掃呢頁CODE去手機

2016年12月14日 星期三

御用角色成員有多一個 劉佩玥係御用復仇情人? __,劉佩玥,

查看相片繼潘志文喺劇集《以和為貴》、《EU超時任務》及《幕後玩家》中相繼中風成為「御用中風者」後,網民發現今年都有另一位演員加入御用角色成員,呢個人就係劉佩玥。2013年香港小姐季軍,與同屆港姐冠軍陳凱琳及亞軍蔡思貝入行後齊齊獲無綫力捧,劇集一套接一套。淨係計今年已經有5套劇集出街,分別係3月《EU超時任務》飾演有錢o靚模賀小美、4月《殭》飾演龐應天助手Rosa、6月《一屋老友記》飾演細寶暗戀嘅鋼 ...


查看相片

繼潘志文喺劇集《以和為貴》、《EU超時任務》及《幕後玩家》中相繼中風成為「御用中風者」後,網民發現今年都有另一位演員加入御用角色成員,呢個人就係劉佩玥。

2013年香港小姐季軍,與同屆港姐冠軍陳凱琳及亞軍蔡思貝入行後齊齊獲無綫力捧,劇集一套接一套。淨係計今年已經有5套劇集出街,分別係3月《EU超時任務》飾演有錢o靚模賀小美、4月《殭》飾演龐應天助手Rosa、6月《一屋老友記》飾演細寶暗戀嘅鋼琴老師呂星晨、8月《城寨英雄》飾演城寨賭王千金Audrey及啱啱播完嘅《幕後玩家》飾演情婦Emma。

劉佩玥憑著劇集《幕後玩家》入面做邪花成功上位,劇中佢為咗幫佢深愛嘅男人Sheldon報仇,當街當巷捅咗顧成雙幾刀,被唔少網民讚佢演技出色。其實極有可能係因為佢做呢啲復仇角色已經好有經驗。

查看相片

有網民發現其實劉佩玥已經唔係第一次做呢啲復仇角色,佢之前喺被人插爆嘅劇集《殭》入面做cool爆助手,最後為咗幫龐應天報仇就用銀劍捅岳一鳴將佢殺滅。

查看相片
查看相片

而佢喺《城寨英雄》入面為咗幫情人貓仔龍成虎同養父報仇亦意圖火燒楊竹鑾。

查看相片
查看相片

唔通無綫想捧佢做御用復仇情人?


鍾意就快D Share啦!