無綫《東張西望》主持李潤庭被爆背妻偷食，搭上已為人妻的小三，日前坦承出軌兼認錯的他語出驚人，指太太早知道有第三者存在！今天他返電視城被高層「照肺」期間後，隨即開記者會交代事件，東網巨星fb直播記者會現況，李潤庭未講嘢，網民已不停畀嬲表情。
記者會下午三時半開始李潤庭首先向今次受影響家人、太太講對唔住，以黑框眼鏡及灰色衫見人的李潤庭，表現得好淡定，他說：「今次件事，我應行出嚟道歉，係我一個人既錯，要鄭重同家人及其他人受影響嘅人道歉，除家人外亦影響咗公司，我好過意唔去！我要承擔番男人嘅責任，將傷害停止，我一個人承擔就可以！」然後李潤庭深深一鞠躬。
同小三結束關係
問到公司有咩處分？他說：「公司對我處分我恩然接受！（見高層？）了解來龍去脈，話會點樣幫我！（事件發生後有冇同老婆傾過？）有，佢傷心、失望，呢刻我要承擔任責任。（關係如何？）冷靜期！（同小三有冇聯絡？）冇，都唔應該聯絡！我都需要時間沉殿情緒。（同小三關係會結束？）當然會結束。（開始咗幾耐？）唔講，不想再挖出嚟講傷害更多人。（你話太太一早知「小三」存在？）係誤會，係報道出咗之前知，我唔好，冇好好交代清楚，係自己問題，搞到件事唔清楚。（會離婚？）絕對尊重太太決定，唔到我去揀，選擇權喺佢手上，呢刻佢係選擇離婚。（你哋一齊住？）係。（分房瞓？）係！太太、外父外母對我好失望，係我最大感受，我除咗道歉之外，要向雙方家人及愛錫我哋朋友，要佢哋經歷咁尷尬時刻，係我錯！」
記者提「小三」丈夫何生即拆咪
隨着有記者再問及他可是否與「小三」丈夫何生相識時，他便起身拆咪離開記者會，並再度道歉及鞠躬，再問到他目前是否休假？他表示會暫時停止工作，便結束為時五分鐘記者會。
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|