掃呢頁CODE去手機

2016年12月6日 星期二

自認係懵雞!黎瑞恩睇囡囡信喊到似豬頭 __,黎瑞恩,

黎瑞恩大女凱栭唔經唔覺13歲喇!歌手黎瑞恩早前出席活動表示送咗13歲大女曾凱栭去澳洲讀書,向來同媽咪感情要好嘅凱栭,就喺社交網站中寫咗篇「給媽媽的信」多謝黎瑞恩,話無論日子開心與否,都有媽咪喺身邊,仲話係澳洲有新嘅旅程,希望可以努力讀書令媽咪感到驕傲。囡囡洋蔥信感謝媽咪凱栭留言:「Imisstheoldmemories..13years...you'vebeenthereformethroughm ...


黎瑞恩大女凱栭唔經唔覺13歲喇!

歌手黎瑞恩早前出席活動表示送咗13歲大女曾凱栭去澳洲讀書,向來同媽咪感情要好嘅凱栭,就喺社交網站中寫咗篇「給媽媽的信」多謝黎瑞恩,話無論日子開心與否,都有媽咪喺身邊,仲話係澳洲有新嘅旅程,希望可以努力讀書令媽咪感到驕傲。

囡囡洋蔥信感謝媽咪

凱栭留言:「I miss the old memories..13 years...you've been there for me through me darkest moments. No matter happy nor sad, you walk by me. Now that we are miles apart, i realize that Everything you do, is to make me flow through life happily. You have already guided me through the beginnings of my life; now its my turn, and i hope i make you proud.(我很掛念舊有的回憶,13年了,無論日子開心與否,你都一直在我身邊。雖然我們相隔千里,但我仍然心繫於你,希望有日你以我為榮,多謝你時常鼓勵我。我現在於澳洲展開新的旅程,希望我會努力讀書,你會以我為榮。我記得你教我的所有事情,多謝你!)」

睇信喜極而泣

黎瑞恩接受東網電話訪問,笑言自己係「懵雞」一名,因為佢經朋友轉告才得知女兒為自己寫下如此感動嘅留言,黎瑞恩說:「我真係『懵雞』,之前完全唔知,係朋友話我知,我一睇到即時喊到豬頭咁!你感唔感受到嗰份喜悅?囡囡六、七歲開始,已經有寫『情信』畀我嘅習慣,當然今次令我感受更加大。」

揚言唔再搵伴

黎瑞恩指女兒剛剛從澳洲返港,並在今年二月先往澳洲讀了一個課程,於明年二月才正式再去澳洲留學。問到這封信會否令她更不捨女兒往澳洲留學?黎瑞恩說:「唔會!其實佢兩、三個月就會放一次假,到時我會飛過去。今次佢返嚟香港過聖誕好忙,要學跳舞、韓文同日文。(囡囡會唔會驚你悶而叫你搵番個伴?)阿囡咁Sweet已經令我冧到爆,我唔需要再揾!(將來女兒要嫁人陪唔到你喎?)哈!我係濕水欖核周圍唧!」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!