掃呢頁CODE去手機

2016年12月9日 星期五

自揭發奮原因 張頴康欠黃宗澤魚蛋粉 __,張頴康,黃宗澤,

張頴康捱足16年,終於拎個人生第一個演員獎,一切得來不易!演活了「范根」、「三寶」等角色的無綫藝人張頴康,捱足16年,早前終在《TVB馬來西亞星光薈萃頒獎禮2016》中,首奪人生第一個演員獎項「飛躍進步男藝人」獎,台上一段多謝太太麥雅緻撐起頭家讓他追夢的感人謝辭,令他人氣爆升!同鄭俊弘玩HeHe日前,他與太太麥雅緻帶着女兒小豆於觀塘apm接受東網訪問,談到攞獎後的趣事,張頴康直言當晚鄭俊弘比佢更高 ...




其他影片:>>






張頴康捱足16年,終於拎個人生第一個演員獎,一切得來不易!

演活了「范根」、「三寶」等角色的無綫藝人張頴康,捱足16年,早前終在《TVB馬來西亞星光薈萃頒獎禮2016》中,首奪人生第一個演員獎項「飛躍進步男藝人」獎,台上一段多謝太太麥雅緻撐起頭家讓他追夢的感人謝辭,令他人氣爆升!

同鄭俊弘玩HeHe

日前,他與太太麥雅緻帶着女兒小豆於觀塘apm接受東網訪問,談到攞獎後的趣事,張頴康直言當晚鄭俊弘比佢更高興,兩人更譜出了「搞笑HeHe夜」,阿康表示:「當晚攞獎之後,我哋一句『你房定我房』就約咗喺酒店房傾通宵,當晚好窩心,兩個人飲酒慶祝仲有抱抱,互相鼓勵,大家識咗十幾年,睇住對方點樣行過嚟,當晚佢仲開心過我!」

於圈中人緣甚佳的阿康,當晚收到不少恭賀短訊,其中黃宗澤更因他遲覆而搞笑詐型,阿康謂:「我一上車攞電話出嚟就覆佢嘅短訊,佢詐型話我遲覆,又話要我請食飯,我話其他請唔起,魚蛋粉就絕對無問題,所以依家我欠佢一碗魚蛋粉。」

畀劉家豪點醒

16年的演藝生涯,總有高低起跌,阿康指多年前拍攝《護花危情》,因為肥到爆而被監製劉家豪一句點醒,張頴康說:「當日家豪哥同我講,嘩!個角色叫爆呔唔係脹爆,以後好難搵角色畀你。」阿康指自己當時肥到連頸都見唔到,之後即刻日日去跑步,每日8-10K,風雨不改,結果一跑,跑了五年。阿康謂:「好多謝家豪哥,依家身體、面色都好咗好多,好嘅角色亦愈嚟愈多。」

落力搵銀

談到未來工作展望,阿康直言希望一步步上,下一步希望做到第二男主角,而家庭方面,他其實一直都很希望為小豆帶來妹妹,所以想多些工作,令收入穩定一點,就可以努力造人,好像之前曾拍的奶粉廣告,反應都非常之好,阿康也希望陸續有來,他謂:「我好喜歡一家人齊心去為家庭工作個種感覺,如果能夠帶畀大家多啲正能量更好,希望多啲廣告商搵我哋」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!