黃翠如今日同麥明詩一齊去到粉嶺香港歌爾夫球會出席活動，麥明詩喺台上分享17歲嗰陣已喺英國打高球嘅經驗，但回香港後未有再打，她笑話：「香港啲場好貴呀，o依家都生疏哂。」講到《幕後玩家》明晚就會大結局，翠如BB就話好緊張：「香港人會邊睇邊思考，呢套劇好真實，好多歪理。好多人又會讚嘉欣（龔嘉欣）演得好、Bosco（黃宗澤）做奸又好多人讚。我哋聽晚都會約哂成班去睇大結局。」追問佢有冇得劇透少少呀？翠如BB話：「呢兩晚Bosco會好慘，會被『復仇者聯盟』復仇。」咁對視后有冇信心？她直言完全冇：「有機會已經好好啦，太多人有資格過我，我心水係(龔)嘉欣同Bosco，仲有阿廉（曹永廉）。」佢仲話雖然男友蕭正楠都有露「肉背」戲份，但都係支持阿廉做視帝。另外，劇中演翠如爸爸嘅潘志文三度演中風角色，被網友譽為「大台御用中風王」，佢笑謂：「我有睇呀，爸爸做得好好，不過佢本身好健康。」
| 黃翠如話睇好黃宗澤同龔嘉欣會喺「萬千星輝頒獎禮」得獎。 (右圖攝影：陳順禎) | | |
| |
來源 source: http://s.nextmedia.com
|
鍾意就快D Share啦！
|
|
|
