黃宗澤喺《幕後玩家》入面做賤男偷食，迫到老婆龔嘉欣癲咗！依家就有《東張西望》主持李潤庭玩真人版賤男！每逢李太一飛，李潤庭就會賤男現形。
呢日佢如常返電視城主持《東張西望》，做完節目，九秒九去搭城巴出將軍澳，原來小三一早喺附近商場徘徊等佢，唔怪之得咁趕。落咗城巴，李潤庭先去路口一個凹位匿埋食煙，原來係等小三嚟會合佢！一齊食完煙，兩個行去坐港鐵。
而李潤庭同小三呢個會合模式，已經去到非常熟練程度。好似上個月24號，係李潤庭同太太結婚5週年，慶祝完第二日。李潤庭再用同一個模式會合小三。將軍澳站無乜人，兩個搵位坐低，熱情小三已經繑實李潤庭手臂，同成個身挨晒落去李潤庭度，頭貼頭傾偈！
由於車廂開始多人，李潤庭開始耷低頭。不過咁，就算談緊情，李潤庭都不時抬頭探測其他乘客，做衰嘢，梗驚俾人影到！到達荃灣站，兩人自動分開行，小三先一個人經商場一個入口，獨自先上李潤庭愉景新城屋企。至於李潤庭，就去百佳上糧，搞完一輪，先獨自搭𨋢上樓。
除咗搭港鐵，有時佢哋會選擇搭的士，當時就一齊搭的士返李嘅屋企，臨上樓前，都係前後腳。話晒住咗咁耐，管理員都知邊個係真李太。分開上，梗係要避開大廈管理員耳目! 偷食偷到入埋同老婆間屋，李潤庭都算無品，可憐老婆喺遠方工作，都唔知小三佔領埋自己屋企！
來源 source: http://s.nextmedia.com
|
鍾意就快D Share啦！
|
|
|
