掃呢頁CODE去手機

2017年1月8日 星期日

【1600萬點使好.......】曾志偉開P 豪請獎門人家族日本遊 __,志偉,曾志偉,

曾志偉行運行到腳指尾,上月22日成功刀仔鋸大樹,以2600蚊本贏咗1600萬馬仔。據知志偉上月30日廣邀好友到佢大埔屋企擦餐勁,包括佘詩曼、阮兆祥、郭少芸、姚樂怡、梁靖琪(Toby)、錢嘉樂、湯盈盈、洪天明、苗僑偉、戚美珍等都係座;上客。志偉除搵咗一位私房菜大廚負責當晚美食外,仲預備十幾廿枝十四代清酒、紅酒、威士忌同香檳等招待朋,不亦樂乎,順道慶祝新居入伙。當晚阿佘、祥仔等人有將佢哋開party嘅 ...




其他影片:>>






曾志偉行運行到腳指尾,上月22日成功刀仔鋸大樹,以2600蚊本贏咗1600萬馬仔。據知志偉上月30日廣邀好友到佢大埔屋企擦餐勁,包括佘詩曼、阮兆祥、郭少芸、姚樂怡、梁靖琪(Toby)、錢嘉樂、湯盈盈、洪天明、苗僑偉、戚美珍等都係座;上客。志偉除搵咗一位私房菜大廚負責當晚美食外,仲預備十幾廿枝十四代清酒、紅酒、威士忌同香檳等招待朋,不亦樂乎,順道慶祝新居入伙。當晚阿佘、祥仔等人有將佢哋開party嘅相放上社交網,但就冇講原來係志偉贏大錢請客囉!有份參與志偉開心大派對嘅佘詩曼,噚日接受《蘋果》電話訪問時被問到志偉贏1600萬請客?佢笑話﹕「係呀,請咗我哋去佢屋企食飯開party。」當日有冇跟志偉買馬?阿佘話:「嗰日我冇去,我都唔識,平時都係亂咁買,早知跟佢一齊買阿爸(志偉)好lucky,因為佢做得善事多,善有善報。」身為獎門人家族一份子嘅阮兆祥亦指志偉贏錢,佢話:「大家都好戥獎門人開心,佢話會請晒大家日本旅行喎。志偉啱啱搬咗新居,我哋都話間新屋好旺佢。志偉做好多善事,幫手起好多佛寺,佢又搞咗個『快樂港仁』醫館,幫啲低收入家庭贈醫施藥,今次真係善有善報。」至於姚樂怡就話飽到棒住個肚走,佢話﹕「我唔知中咗幾多錢,剩知佢贏馬,但最緊要我哋有餐食。」Toby則笑說﹕「如果真係咁多(1600萬)就梗係好啦,我哋冇問,但大家都想好運,如果知佢會贏,我一定買。」

贏咗大錢又新居入伙,志偉話要請晒啲朋友去日本旅行。(微博圖片) 擦餐勁,唔少得祥仔份。(微博圖片) 請大家盡情飲。(微博圖片)
(微博圖片) (微博圖片)

來源 source: http://s.nextmedia.com
鍾意就快D Share啦!