熱爆娛樂: 【今晚《勁歌》碰頭】坤哥人紅囂咗？胡鴻鈞：我哋的確係不和 _

2017年1月8日星期日

【今晚《勁歌》碰頭】坤哥人紅囂咗？胡鴻鈞：我哋的確係不和 __,坤哥,胡鴻鈞,吳業坤,

其他影片：>>

鄺美雲（Cally）同胡鴻鈞等，今日去到灣仔伊館出席「2017香港義工聯盟傑出義工嘉許禮」。久未獻唱流行曲嘅Cally，獻唱咗新歌《用生命影響生命》，Cally話：「新歌係趙增熹作曲，向雪懷填詞，會擺喺我於今年3月推出嘅HiFi碟，我錄咗幾首歌，好開心，自己揀咗20隻歌，最後篩選剩11隻，今年3月會推出。」有傳吳業坤走紅後囂張，並疏離巨聲幫，又同胡鴻鈞不和（新聞連結： http://bit.ly/2iSnKoC ），胡鴻鈞笑言：「我哋各自澄清咗，我哋的確係不和。哈哈哈哈哈！」胡鴻鈞話只係純屬講笑，不過最近各自忙住拍劇，冇時間見面，已經約好咗日子食飯聚一聚。講到今晚《勁歌》頒獎禮，胡鴻鈞話唔怕坤哥拎多幾個獎，仲可以搵藉口叫對方請食飯。

胡鴻鈞言之鑿鑿咁話係不和，跟住又哈哈哈咁兜番話只係講笑。（攝影：葉君海）		胡鴻鈞同坤哥各自澄清咗，之後都會約食飯。
坤哥今日喺尖沙嘴出席另一個商場活動，今晚會喺《勁歌》同胡鴻鈞同場。（攝影：盧妹）	鄺美雲今年會出HiFi碟。