（新增回應）剛完成舞台劇《科學怪人》演出嘅歐錦棠，早前接受專訪，力數「婆娘」樂易玲，罪狀包括：
1.09年，「大閆生」陳鴻烈拍攝《畢打自己人》期間心臟病發猝逝，歐錦棠稱當時同一班演員準備離醫院時，樂小姐同佢哋講，叫佢哋唔准話烈哥走咗。棠哥覺得佢唔准佢哋講嘅原因就係要等佢做發言人，但當時棠哥冇理佢，離開時就同記者講烈哥已經離開。睇番報道，當晚大約在7時05分，歐錦棠步出病房黯然表示：「烈哥走咗！」樂易玲卻稱「仲搶救緊！」約15分鐘後樂易玲始傳媒宣告陳鴻烈在7時11分去世。2.歐於訪問中另一個point，係指自己01年加入無綫後備受重用一劇接一劇，但03年樂小姐入主後，召見歐叫佢忍吓，更指其「亞視味」好重。歐錦棠以「婆娘」形容樂小姐，揚言「一啲都唔驚」，笑指：「驚佢有牙呀？」今晚樂易玲到洲際出席活動時，被問及呢單「婆娘」事件，樂易玲稱俾人叫「婆娘」都係有啲唔開心，「不過講開呢樣嘢，都有同事同我講開，話歐錦棠其實已經好耐冇喺公司開工喇。其實喺2003年開始，佢請咗九百九十幾日假，每次都有假紙，係病假嚟嘅。」「其實都搵過佢拍好多劇0架喇，但佢都推咗，好似《公公出宮》、《無雙譜》，但佢都係話唔舒服拍唔到。製作部都有諮詢過我，問我點解佢可以喺外面拍戲，但公司嘅劇就推。我都唔太知點解。」至於歐錦棠斥樂易玲批評佢亞視味濃，樂易玲就話「唔係好記得有冇咁講過」，又稱:「其實做過亞視又有乜嘢問題呢？我都係亞視出身，阿田(田蕊妮)、陳展鵬呢噂 啲視帝視后都係亞視出嚟，有咩問題呢？就算幕後，王心慰、(梅)小青都係亞視嚟嘅，至於我，我就冇同佢聯絡，亦唔係好了解佢嘅情況。如果佢真係唔鍾意，我都冇得講，但七八年前嘅事，就唔好拎番出嚟講。」歐錦棠以短訊回覆傳媒謂：「沒有回應了。佢話點就點啦，謝謝。」
| （左圖攝影：陳順禎） | | |
| | | |
| | |
|
鍾意就快D Share啦！
|
|
|
