2017年1月20日 星期五

【時光倒流幾多次,我都會娶你】結婚十年 張繼聰再冧Kay:我會繼續搞笑令你快樂 __,Kay,張繼聰,繼聰,十年,謝安琪,

「由我開始玩音樂嗰日開始,我都係追尋我夢想。有時行過嘅路呢,就好似越努力,跌得越痛。今日呢個獎話俾我聽,我冇做錯到。」「我想多謝我嘅父母。你哋係最好嘅父母,令我識得去做人哋父母。」「最後,我想多謝我太太,同埋我個仔。……喺過去嘅一年,我聽過好多祝福嘅說話,都聽過好多,好難堪嘅說話。我記得有一晚,我睇住我太太瞓覺,係一個好大壓力嘅晚上,我好難過。我唔知我可以講乜嘢說話去安慰佢,但我同我自己講,我一定 ...




其他影片:>>






「由我開始玩音樂嗰日開始,我都係追尋我夢想。有時行過嘅路呢,就好似越努力,跌得越痛。今日呢個獎話俾我聽,我冇做錯到。」「我想多謝我嘅父母。你哋係最好嘅父母,令我識得去做人哋父母。」「最後,我想多謝我太太,同埋我個仔。……喺過去嘅一年,我聽過好多祝福嘅說話,都聽過好多,好難堪嘅說話。我記得有一晚,我睇住我太太瞓覺,係一個好大壓力嘅晚上,我好難過。我唔知我可以講乜嘢說話去安慰佢,但我同我自己講,我一定好好照顧我太太,照顧我個仔。」「就算時光倒流幾多次,我都會娶你做老婆。我愛你。」2007年1月20日,張繼聰謝安琪奉子成婚,當時女方事業發展領先,好多人就話「女尊男卑」乜乜乜。後來BB出世,兩人初為父母,壓力更大。但老土啲講,佢哋冇放棄到。2008年1月1日,那個時候,張繼聰仍然被冠姓謝,唔係姓張。嗰年叱咤,佢拎咗作曲人大獎,同唱作人銀獎。喺領取作曲人大獎時,張繼聰哽咽發表以上愛妻宣言。2017年1月20日,兩人結婚10周年。

已經由謝繼聰變番張繼聰嘅張生,於社交網再次發表愛妻宣言。佢話:「感謝你成為我的妻子及最好的朋友。晃眼十年,因為有你同行,就算走過高山低谷,我都覺得沿途風光明媚。能夠有如此靈魂伴侶,讓這趟地球之旅變得幸福圓滿。」寫到這裡,張繼聰貼了一個唇印emoji,並寫道:「我會繼續喺我哋嘅婚姻生活裏面搞笑,令你繼續成為快樂的太太,Happy 10th anniversary, I love you honey 。」仲有個幾兩個月就生得嘅人妻Kay就仲未有愛的回應。題外話,想問下點解啲明星但凡結婚周年貼圖,都係貼傳媒報道嘅相咁奇怪嘅?

張繼聰噚晚網上發表愛妻宣言,但張相… 張相係十年前《蘋果》影0架…
05年4月饑饉三十活動,認得幾多張面孔? (資料圖片)
同年9月,兩口子到演藝學院欣賞《梁祝下世傳奇》。 (資料圖片) 呢張係…拍拖更為電影《加菲貓2》配音。 (資料圖片) 2007年1月20日,裙褂.貼紙.白波鞋。大肚謝安琪反傳統嫁張繼聰。 (資料圖片)
同年6月, 張瞻出世。 (資料圖片) 產後半年,Kay願為BB放棄事業。 (資料圖片) 2010年,張繼聰喺Star Hall舉行《張繼聰123音樂會》,人妻Kay抱子做其背後女人。 (資料圖片)
同年, 狀態漸漸回勇嘅Kay。 (資料圖片)

來源 source: http://s.nextmedia.com
鍾意就快D Share啦!