唐詩詠忽冷忽熱 逼洪永城反擊
有「絕世好女友」之稱的唐詩詠最近被指與男友洪永城（Tony）情變，雖然Tony好快就澄清關係依舊，但詩詠日前卻稱兩人有一段時間冇見，疑似陷入冷戰期！而Tony前晚錄影節目時明顯未有配合女友說法，還反擊踢爆：「啱啱先喺Canteen見完！唔明點解佢咁講！」而昨晚唐詩詠往捧Big Bang場，身邊人亦非洪永城，有如海底針的詩詠心，難道她「生命中需要的人」，真的不是洪永城？
藝人唐詩詠昨日拉埋兩屆視后胡定欣、梁烈唯和沈震軒齊齊睇韓國人氣男團Big Bang在啟德郵輪碼頭舉行的演唱會，不過現場未見男友洪永城（Tony）蹤影。而早前詩詠在網上甫文稱「你生命中唯一需要的人，就是覺得你很重要的人」，疑暗示兩人陷入冷戰期，因此是次Tony缺席，不難令人聯想到現時兩人「戰況」膠着，關係危危乎！
飯堂撐枱腳笑晒
其實兩人拍拖兩年，雖然經常在受訪時從言語上「派糖」勁甜蜜，但最近有指感情生變，經常影到詩詠獨自消磨時間，而兩人亦鮮再於社交網放閃，看似關係轉淡早已醞釀多時。對此，Tony曾經回覆本報指兩人關係依舊好好，更指雙方正逐步朝向結婚進發。不過，詩詠19號晚在寰宇活動中明顯未與男友夾定口供，直認兩人已有一段時間未有見面，當問到感情是否由濃轉淡時，她也無心回應。
相隔數日後的前晚，Tony在無綫錄影大年初一播映的無綫節目《保良善心全鳳獻》時，冇面畀推翻詩詠的說話，更說：「啱啱先喺Canteen見完！唔明點解佢咁講！」據知詩詠出席寰宇活動前一日，在電視城的飯堂中被人目睹與Tony一齊出現，期間兩人有講有笑，不覺冷戰氣氛，與詩詠說法有所出入，令事情顯得更加撲朔迷離之餘，亦使人覺得有「絕世好女友」之稱的詩詠原來非常善變！
出招捧場冧女友
問到兩人盛傳的冷戰是否仍然持續？Tony說：「唔關啲花邊新聞事啦，唔會特別擔心，識得處理嘅。（女人成日口是心非？）即係男人永遠唔明白嗰啲？咁就Keep住唔明白啦，但係我想明白！」除了用心意去克服「女人心海底針」外，Tony亦打算以行動去討好女友，當問到會否入場或包場支持女友有份演出的新戲，他直言會入場觀看，更笑說：「但未知要睇幾多場！」
另外，與詩詠一齊睇騷的定欣似乎不打算插手對方的感情事，主力專心欣賞偶像演出，她受訪時表示有留意前日演唱會安排混亂的問題：「今（昨）日情況好好多，只係要用少少時間去排隊，一直都有捧Big Bang場，佢哋嚟親搞騷我都會去睇，同埋我係太陽嘅忠實粉絲，所以一定要嚟！」
文：影視組
|
鍾意就快D Share啦！
|
|
|
