呢個球壇唔係你死就係我亡，C朗拿度同美斯兩大球王多年來互相競爭，呢期係C朗拿度嘅世界，當呢位葡萄牙球星勇奪世界足球先生，落敗嘅美斯竟然即刻被「腰斬」！話說美斯上年美洲盃決賽輸波後，一度宣布會退出國家隊，阿根廷全國總動員挽留，包括喺首都布宜諾斯艾利斯建立美斯雕像，勢估唔到最近竟然受到破壞，布宜諾斯艾利斯市政府發聲明證實：「美斯雕像受到嚴重破壞，上半邊冇咗，我哋已經展開修補工程。」
雖然未知係咩人所為，不過事件發生喺C朗贏世界足球先生同一日，連美國《Fox Sports》都喺報道入面暗示：「唔通C朗嘅頭號Fans住喺布宜諾斯艾利斯？」事實上，上年1月份嘅時候，當美斯贏C朗拎到金球獎當日，C朗喺家鄉馬德拉島嘅雕像亦曾被球迷破壞，當時有人向C朗雕像淋油，仲喺雕像背脊油上10號同MESSI(美斯)嘅字樣，真係冤冤相報何時了呢？
東網體育同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
