黃智賢與江美儀為劇集宣傳。
藝人江美儀、黃智賢（Ben）及陳琪等於將軍澳，宣傳無綫劇集《親親我好媽》。適逢元宵佳節，眾人齊齊炮製湯圓及估燈謎應節。
談到該劇於周二錄得最高收視28點，Ben稱集集追睇，即使冇睱收看亦會於網上重溫，他說：「最緊要觀眾鍾意我哋，覺得我哋似一家人，入到屋！」而美儀就盛讚劇中扮演其女兒的小演員們演技出色，又指劇情能為家人製造話題：「有朋友同我講話有小朋友為咗睇劇，逼自己做晒功課同溫晒書。依家好少一家人睇嘅劇，屋企人多咗話題，幾意外！」
Ben笑言為了於劇中扮演父母而向家人取經：「最大問題係我或美儀都冇小朋友，我要向家人取經。」而向來係「愛狗之人」的美儀就說：「我都係將教狗狗嘅嘢放落小朋友度，（展望有30點收視？）可遇不可求！有口碑最緊要！因為我哋始終唔係真父母，擔心做唔到個效果。」
Ben聞言即「口痕」催美儀成家立室：「你快啲結婚」美儀就自爆就快「收經」：「依家嫁都趕唔切生醫生話我過多兩年就收經！」她反向Ben催生B，Ben就說：「我都收⋯⋯工啦，事業為重呀！」
來源 source: http://hk.on.cc
|
鍾意就快D Share啦！
|
|
|
