梁麗翹話老公好怕醜，所以睇背脊好喇。
無綫《東張西望》32歲主持人梁麗翹（Nicole）日前在美國與圈外男友舉行結婚，在親友的見證下嫁為人妻，她在網上透露完成了一個浪漫又夢幻的婚禮，其後Nicole接受《東網》訪問，表示有很多難忘事：「我哋婚禮西式為主，但早上都有跟傳統跪地向長輩斟茶，但冇玩新郎，因為中間隔幾個鐘先到儀式，我哋攰到瞓咗，差啲趕唔切去！（感動位？）老公愛的宣言，佢話賺幾多錢都唔夠同我一齊咁開心，我感動到喊晒！而媽咪全晚變喊包，佢陪住我出嫁，將我交畀老公嗰陣，我Feel到真正變成一個Family，好感動！」
Nicole又透露婚禮期間發生小插曲，當日她突然想用花做頭飾，但在外國長大的兄弟竟然買錯菊花，令人啼笑皆非！幸好最後都買到其他花做頭飾。講到婚後活動，她表示兩公婆很快就會返港繼續事業，生BB計劃則隨緣。至於Nicole老公因是圈外人相當怕醜，公開的相片只有其背面，保持神秘感。
來源 source: http://hk.on.cc
|
鍾意就快D Share啦！
|
|
|
