24歲嘅「石破天欣」去年7月已經成為人妻，與拍拖4年、任職Marketing嘅Jacob結婚。由於老公喺美國工作，石天欣當然嫁雞隨雞，婚後大部份時間都喺美國生活，唔使成日再拍「被強姦」嘅慘情角色。以前天欣試過同一時段打四份工，咁去到美國轉做全職師奶會唔會好悶？向來鬼主意多多嘅天欣，一得閒就會拍片放上YouTube娛樂一班粉絲，其中一條「如果成為一個在職C9」片段，就簡單講咗佢每日生活實況。天欣喺屋企最鍾意着住短褲、小背心，大騷纖瘦身材，佢話﹕「有人問我每日做啲乜？周一最多嘢做，係清潔大日子，要拖地，周日洗完衫周一要摺衫，所以係最忙。下午要準備午餐，因為佢(老公)會返嚟食飯，以前唔明Jamie點樣30分鐘煮一餐飯，o依家我得咗。之後就執碗、洗碗......周六、日會去outlet拍拖或者洗衫。」天欣完全唔介意家居環境全面曝光，兩口子嘅安樂窩雖然唔算好大(美國嚟講)，約一千尺面積，四四正正，廚廁房設備齊全，令唔少香港人羨慕。不過天欣嘅屋企就成日有好多一箱一箱貨物同紅白藍袋，原來佢仲有兼做代購生意，每日起身要忙回覆客人短訊，執貨搬貨一腳踢，佢連屋企個飾櫃都係自己動手裝嵌，真係全能主婦。
| 石天欣每日生活都好忙，但周六、日當然要同老公拍拖開心吓。 | | |
| | |
來源 source: http://s.nextmedia.com
|
鍾意就快D Share啦！
|
|
|
