2017年2月21日星期二

【唔係真啩!?】木村拓哉大阪藏二奶傳聞有個私生子 __,木村拓哉,木村,

【唔係真啩!?】木村拓哉大阪藏二奶傳聞有個私生子

2017-02-20 07:30:26 HKT

【新增內容】

SMAP已經解散，但係有關內訌是非仍不絕於耳。木村拓哉被指出賣SMAP隊友，令其餘四子同佢嘅關係越變疏離，而對木村嘅不利傳聞就鑊鑊新鮮，近日當地傳媒就收到有人主動報料，驚爆木村有私生子嘅傳聞，連日來開始有網媒報道有關消息。

木村同工藤靜香喺2000年12月奉子成婚，翌年5月誕下大女木村心美，不過當年就有傳佢搭上一名京都藝伎，雙方維持多時嘅肉體關係，而最新說法就話木村於16年前唔止搞大靜香，仲同時暗交呢名京都藝伎同埋一名大阪女子，據知呢位大阪二奶居於箕面市，傳聞指佢當年已為木村誕下私生子。其實16年前，現時已停刊嘅小報《Naispo》已報道類似消息，當時報道指木村經常出沒大阪箕面市，直指佢於當地有另一頭住家，唔知點解相隔多年再成熱話。

另外，木村夥拍松山研一嘅TBS電視台新劇《A LIFE~深愛的人~》，由籌拍到播出後，收視成績都令人關注，而噚晚播出嘅第六集，平均收視達15.3%，創下該劇開播以來新高。反觀同時段由松山研一老婆小雪主演嘅富士劇《大貧乏》，呢集雖然比上周微升0.8%，但新一集都只係得5.2%收視。