連摑十把係人都驚啦。
藝人林夏薇與陳山聰於中環出席情人節活動，林夏薇表示在美加登台時買了一個煲，準備在情人節親自下廚整海鮮煲與老公燭光晚餐，笑謂找老公做白老鼠，成功後再整給山聰等兄弟姊妹食。不時下廚的她會整老公喜歡的菜式：「佢想食咩我就去學囉，佢笑我係網上廚師，因為我會上網搵創新啲嘅食譜！」又謂老公即使再忙碌都會抽時間回家吃她煮的菜再外出工作。
山聰則表示情人節要開工，故會預早與女友慶祝情人節，要對方親自下廚，談到他在《乘勝狙擊》中激咀傅嘉莉與莊思敏，情人節當晚會否再有激情戲來「助興」？他笑謂：「唔會啦，因為星期五就大結局連女友都話我好奸，網上見好多人鬧我，都開心因為觀眾有睇！」他又爆女友看完激情戲後的反應：「佢話益咗我，又問我使唔使咀得咁行！」
談到陳展鵬在劇中被吳岱融連摑十把，摑到眼鏡都跌埋，林夏薇說：「其實拍嗰時我準備入去拍下一場，喺玻璃度見到直情係驚，我唔敢郁，怕影響到佢哋，真係見到都痛！」
來源 source: http://hk.on.cc
|
鍾意就快D Share啦！
|
|
|
