與前港姐吳婉芳結婚超過20年的胡家驊昨日驚傳猝逝，心情沉重的吳婉芳暫未有公開表示，即使私下有好友發訊息慰問，吳婉芳亦僅以合十手勢圖案回應。
胡家驊唔畀自己着牛仔褲
上月吳婉芳接受好友梁佩瑚的網台訪問時，曾多次談及與老公胡家驊的相處細節。吳婉芳指自己喜歡低調，離開幕前多年的她非常享受平靜的生活，惟近年因傳媒的報道而再受到關注，不過她亦明白自己的衣着行為都有機會影響到老公胡家驊及家人，因而處處留神：「我都好想喺街邊篤魚蛋，但我真係唔夠膽，我驚影響到我先生。佢見到會話：『點解咁樣㗎？』以前我先生就連我着牛仔褲落中環佢都會話。」不過後來胡家驊亦屈服，「批准」吳婉芳以牛仔褲波鞋Look現身，而胡家驊自己亦會着牛仔褲出街。
由執着到了解人生無常
吳婉芳在訪問中自爆自己以前相當執着，每日規定自己的起居飲食，每日都要食同一樣食物，就連老公胡家驊亦曾表示覺得自己行徑奇怪。不過自吳婉芳信佛後，她指自己明白到好多，有時候人生是無常，做人應該簡單，更連愛濕平的習慣亦戒掉：「以前成日買衫shopping，依家冇乜呢個衝勁，除非真係有時要陪先生去見人，我先至要去買衫之外，我基本上冇。我先生從來唔會制止我買嘢，因為佢知我係一個好框框嘅人，好有節制。」
吳婉芳自覺幸福
吳婉芳又指每一個人都要知足常樂，做人就會開心。她又指健康好重要：「人就係無常。真係要珍惜每一刻，邊個喺你側邊。就算嗰個人激你嘅，可能有一日瞓醒，佢已經冇得激你，咁你就會諗：『唔該你激我』所以我覺得，好與唔好，都要珍惜，都係一個生活體驗，一個人成長需要面對嘅嘢。當你冇咗嘅時候，你就會珍惜有嘅時候。」
當梁佩瑚問到吳婉芳覺得自己依家幸福嗎？吳婉芳直呼幸福：「幸福㗎，咁當然會有唔開心嘅時候，話冇就呃你嘅。但係我覺得，到我呢一刻做人，我覺得我係幸福嘅。」
|
鍾意就快D Share啦！
|
|
|
