51歲陳雅倫上年8月同吳彥祖表哥Matthew Wong一見鍾情，11月男友更喺生日會忽然向陳雅倫求婚，前日有周刊影到佢同男友Matthew當街親熱，由馬路啜到入大廈，就連喺lift調情都影埋，成個過程被周刊影晒，認真夠晒誇張，熱戀中嘅情侶果然熱情如火(新聞連結：http://bit.ly/2kw5G88)!點知報道一出，陳雅倫更被某人指係放料者，佢即有啲嬲嬲，今日終於facebook打咗篇文，澄清自己冇做過，又話自己係一個敢愛敢恨、勇於承擔嘅圈中「烈女」，一向好保護家人同愛人，寫道「千萬不能『屈』我，硬要我承受『莫需(須)有』的罪名，被人『老屈』」，又用全家性命發毒誓稱「若我做過，全家死！我可以説出最惡毒的誓言，就知道我是何等憤怒和失望」。至於陳雅倫點解會咁…就係因為有人唔信佢，「你竟完全不分是非黑白，就把所有責任怪到我身上？我超失望你處事的方式和態度，極生氣你對我的不信任」。佢口中嘅「你」，似乎好大機會講緊佢嗰位未婚夫Matthew!陳雅倫facebook全文如下：我敢愛敢恨，勇於承擔，我會揭盡所能去保護我的家人及愛人！娛樂圈、是非圈，絶對不是一個普通人可以適應、生存的圈子，那份呼吸著的壓力，被世界好奇目光的注視，再加上媒體裡害群之馬的不倫不類是非垃圾負面新聞，適者生存，否則滅亡！我就是要告訴你們去感受一下那份無情的殺傷力！而我則不經不覺30年，在這現實圈子給磨練出來的「烈女」！我若做錯事必會勇於承擔，誠意道歉！但千萬不能「屈」我，硬要我承受「莫需(須)有」的罪名，被人「老屈」！我想講什麼？我可以用我全家性命發毒誓，我沒有發放過任何消息給「xxx」去偷拍自己和男友的報道！若我做過，全家死！我可以説出最惡毒的誓言，就知道我是何等憤怒和失望！你竟完全不分是非黑白，就把所有責任怪到我身上？我超失望你處事的方式和態度，極生氣你對我的不信任！請那些笑裡藏刀、做謠生事的小人，全部給我「滾」，你給我捉到，定必碎屍萬斷！
|
鍾意就快D Share啦！
|
|
|
