「睇過《天若有情》好多次，成日諗自己係後面攬住華仔個靚女，我呢一生人都冇乜機會，雖然依家天寒地凍，但好過癮呀！我一生人都未着過婚紗，加上呢個華Dee又靚仔，大家合作得好愉快。」前年「高登女神」魯芬BB應本報邀請，與當時被高登仔捧為男神的華Dee（何啟華）模仿《天若有情》拍了一輯專訪照，相中披上婚紗的魯芬BB喜不自勝，笑言咁大個女都未試過穿婚紗。此情已逝。魯芬BB去年在大陸開工期間入住不潔酒店，染上皮膚炎，影響免疫力，過農曆新年前已入院。病情影響及肺部，需插喉，無法言語。今晨於博愛醫院離世，享年63歲。其家人凌晨三時半左右發聲明宣佈死訊，沉痛謂:「魯芬BB因皮肌炎導致肺部衰竭，於今日凌晨時分在家人朋友陪同下安詳離世，終年63歲。魯芬BB於十個月前患上皮肌炎，從得知自己患病後，她都一直勇敢面對，對戰勝病魔充滿積極樂觀態度。」喪禮細節稍後公佈。魯芬一生未婚，跟弟弟、弟婦及姪仔、女同住元朗。姪女張小姐今晨接受《蘋果》訪問時難掩悲痛，但仍保持冷靜謂：「唔好意思，我哋唔做訪問住，依家忙緊，聽日先講。」又表示魯芬離世時，親人一直守在身邊，遺容安詳。張小姐又稱:「唔好難過，記住佢嘅開心笑臉。」至於魯芬生前是否有未了心願，她說:「沒有。多謝給予空間，夜了，早點睡。」魯芬生前好友、藝人劉少君亦稱已收到魯芬家人透露好友離世的消息。
|
鍾意就快D Share啦！
|
|
|