新作令人期待！
英皇集團主席楊受成博士掌陀的英皇電影今早於本屆香港國際影視展內舉行「2017英皇電影項目巡禮」，現場星光熠熠，場面熱鬧！
衛詩雅獲公司力捧
有份參演多部重點戲演出的衛詩雅，即將於《我的情敵女婿》中夥拍任達華「談情」，任達華更笑指7月開工時會帶詩雅到海邊漫步。談到獲力捧，詩雅不諱言：「公司有講過叫我畀心機，我自己真係好鍾意拍電影嘅。（公司下令唔畀拍拖？）咁又冇，演員拍拖增加人生閱歷添。」
任達華睇樓索料
任達華於戲中扮演劏房大王，他笑言近日頻頻去睇樓作資料搜集，他又恃機幽古天樂一默謂：「真係要跟佢學嘢，佢喺工廈買咗咁多apartment，連杜琪峯辦公室都買埋。我有層喺嗰幢大廈6樓，佢不如收購埋啦。（你都係世界級地產大王。）我嗰啲買嚟度假出咋。」
古天樂同馬麗咀嘴
至於古天樂則聯同「貓星人」犀犀利，戲中太太馬麗及一對童星黃星羱及劉楚恬站台，席間古仔更與犀犀利即場打手印，預告電影將開拍續集。事後古仔坦言：「係有咁嘅打算，下集有汪星人（狗）。（同小朋友合作難搞？）佢哋好乖，不過劉楚恬好為食，成日食晒啲道具食物，未拍到一半就肥咗一個圈，叫都叫唔停。」馬麗則向古仔獻媚：「我完成了全國女性夢想，吻了男神，而且不只一次！」古仔解䆁：「係導演加上去嘅，總之馬麗發脾氣，我就錫佢一啖，成套戲錫咗起碼5、6次，加埋NG，唔知嘅話仲以為我畀咗錢導演呀！」
來源 source: http://hk.on.cc
|
鍾意就快D Share啦！
|
|
|
