玉女忽然一露，惹嚟極大迴響，王馨平（Linda)尋晚亮相《博愛歡樂傳萬家》時，一件中門大開嘅開胸衫性感噴血，令到網民勁哄動，仲搞笑話Linda今次是「奮不顧身」演出，更有網民話合家歡時段播呢個鏡頭，直情係母「乳」教學，其中音樂人梁栢堅更說：「2017應該係新版＃別問我是垂。」
Linda接受東網訪問時就話，冇預計迴響咁大，承認電視威力好大，佢話：「我純粹諗住做個騷，因為個監製同我講個舞台會好靚，所以我尊重番個場合，隆重啲，去搵個設計師朋友替我特別設計件衫，而且我過往做騷都試過咁着，而且好幾次添，所以無為意啲人會有咁大反應，（你知唔知出場時段係合家歡時間，咁性感會唔會唔係咁好？）呢樣嘢我就冇為意到，你咁講都係嘅。始終我都係諗住演出個騷，無為意咁多嘢，而件衫係有一層紗，現場係睇到，但可能係電視上就唔係好覺。」
問有冇留意網民反應？佢話：「我冇用facebook，唔知道啲人點講，不過好多朋友都send message畀我，話好多人都話正呀，流晒鼻血呀，（知唔知梁栢堅話別問我是垂？）呢個我都唔知道，哎呀，呢個社會有言論自由，每樣嘢都有人話鍾意同唔鍾意，（啲網民評論你嘅身材喎？），我自己覺得ok喎，而且我好多朋友都讚。至於老公有乜嘢反應？Linda透露老公都有話性感咗啲，不過：「咁好既，即係緊張，小小呷醋啫。」
來源 source: http://hk.on.cc
|
鍾意就快D Share啦！
|
|
|
