掃呢頁CODE去手機

2017年3月3日 星期五

【笑到有腹肌】黎明寸爆大會講稿:有人唔做去做蜜蜂? __,黎明,

黎明(Leon)今日下午三點,以影視娛樂大使身份,出席喺尖沙嘴舉行嘅《香港影視娛樂博覽》記者會。Leon只係喺台上同司儀方健ChitChat,冇接受傳媒訪問。期間方健儀讚Leon玩facebook出神入化,點知Leon爆seed話:「坦白講如果我係神級,就唔會坐喺度參加呢個影視娛樂博覽,因為我都係勞動階層,我都係香港勞動級嘅人民,facebook嘅嘢就見仁見智,每人有不同際遇。」「金句王」呢個朵真 ...


黎明(Leon)今日下午三點,以影視娛樂大使身份,出席喺尖沙嘴舉行嘅《香港影視娛樂博覽》記者會。Leon只係喺台上同司儀方健Chit Chat,冇接受傳媒訪問。期間方健儀讚Leon玩facebook出神入化,點知Leon爆seed話:「坦白講如果我係神級,就唔會坐喺度參加呢個影視娛樂博覽,因為我都係勞動階層,我都係香港勞動級嘅人民,facebook嘅嘢就見仁見智,每人有不同際遇。」「金句王」呢個朵真係並非浪得虛名,妙問妙答停不了。之前Leon為呢個活動,特登拍咗條用30秒急口令短片,方健儀喺台上問佢,係咪因為要創新所以今年揀用急口令宣傳?Leon又再一臉正經咁話:「唔關事,只係宣傳啫!」開始接唔住嘅方健儀惟有轉話題然後話:「你今年成績好好喎!」點知Leon又好正經咁話:「唔好,我仲想進步!」台下傳媒聽到Leon同方健儀一人一句都覺得好好笑。最後,方健儀同Leon講,話知道佢最近喺核心外圍搞咗個演唱會,係用咗企鵝嚟做宣傳,問佢會用咩動物去形容影視娛樂界?Leon即刻好雀躍話一定要分享,究竟係乜?Leon就話:「一定要分享,因為係大會指定嘅稿,大會要我揀蜜蜂,但我覺得蜜蜂同企鵝無關,企鵝係我同fans交代,但冇理由用蜜蜂去形容個行業,有人唔做去做蜜蜂?」雖然Leon冇接受傳媒訪問,但佢喺台上講嘅一字一句,大家已經飽晒,連方健儀最後都忍唔住講番句:「真係每次同Leon做訪問都獲益良多呀!」

(設計對白)攝影:陳慧安 黎明(Leon)今日出席喺尖沙嘴舉行嘅《香港影視娛樂博覽》記者會。 黎明同方健儀喺台上妙問妙答。
黎明仲要笑大會份講稿:「冇理由用蜜蜂去形容個行業,有人唔做去做蜜蜂?」

來源 source: http://s.nextmedia.com
鍾意就快D Share啦!