群星講特首戰果
森美戥曾俊華不值
「制度表達唔到民意」
特首激戰昨日有結果，林鄭月娥以777票當選香港首位女特首，上屆梁振英的得票是689，有網友以777-689=88玩數字密碼，慨嘆香港「拜拜」！薯粉森美替曾俊華感不值：「制度表達唔到香港人意願！」至於挺林鄭的向華強夫婦，竟巧合地曾投資拍電影《我愛777》，又捐777萬元撐七警，向太陳嵐昨恭喜說：「有她未來香港會好！」
【撐薯片】森美昨在Ig貼跟薯片叔叔曾俊華的合照，留言指對方有領袖魅力，能團結港人。
昨日第五屆香港行政長官誕生，由林鄭月娥以777票當選，曾俊華以365票落敗。關心社會的藝人紛發聲，曾拍短片撐曾俊華的商台DJ森美，昨在電話中坦言對戰果感失望：「我覺得係制度嘅問題，表達唔到香港人意願，似乎香港仲未有好運氣，可以deserve咁有魅力嘅領袖！」
森美覺得薯片叔叔曾俊華雖輸掉了戰鬥，但贏得了民心：「因為喺香港人心目中，佢係好有charisma領袖，香港好耐冇試過喺街上，有咁多人聚集支持一個人，大家懷住快樂、對香港充滿希望心情走埋一齊，呢種能量香港仲未可以喺嚟緊五年擁有。」對於林鄭似不滿得票似「柒柒柒」諧音黑面，他揶揄說：「黑面都應該，呢個咁幸運嘅號碼係僅次於666。」
張寶華：對香港失望
同樣是薯粉的張寶華則說：「最失望係對香港失望，連一個小圈子選舉都係呃香港人。傷心、難過、無言！」王宗堯亦諷刺道：「林鄭777票當選，中獎囉香港人！」並怨燈神蕭若元今次失靈：「蕭生一直都係燈神嚟嘛，諗住都有機會燈一燈，點解蕭生咁唔準㗎今次，靠佢食糊㗎嘛！」毛記電視腦細林日曦昨在社交網留言：「有冇人得閒關心下個7字，最可憐係個7字！」黃秋生則說：「咁廣東話係好啜核，佢預咗有排畀人笑。」
另外，李珊珊在微博鬧爆選委離地，之後又留言：「感謝薯片叔叔。感謝胡官。你們為香港出的每一分力。」翁靜晶則認為山窮水盡疑無路，柳暗花明又一村。歌手露雲娜昨出席活動時說：「我鍾意阿John（曾俊華），佢個人好親切，又好鍾意音樂，對佢落選都有啲失望。」
曾俊華贏民望卻輸給選舉制度，林鄭昨以777票當選特首。攝影：何家達
【撐薯片】撐曾俊華的李珊珊昨在微博為港人沒投票權而憤憤不平，更鬧爆選委離地。
【撐薯片】杜琪峯（右）和張寶華曾拍片撐曾俊華，張寶華對曾俊華落敗感無言。互聯網圖片
向太同777有緣
至於挺林鄭的向華強夫婦，竟巧合地跟777有緣，他們曾於99年投資拍電影《我愛777》，早前又捐777萬元撐七警。向太陳嵐昨在微博祝賀林鄭：「恭喜第一位女性特首林鄭月娥，言談盡顯承擔及大將風範！但大部份傳媒只懂挑骨頭，連最基本的禮儀如先恭喜一聲再提問都欠缺。反而曾俊華的落選致辭有驚喜，除恭喜及肯定林鄭之餘更呼籲各界支持她……有她未來香港會好，一定好！」同樣支持林鄭的張立基在微博貼「777」字樣cap帽，他昨在電話說：「我覺得佢幾適合做，感覺上佢係幾實淨一個人，做嘢都好實事求是。」
採訪：皓騫、何永寧、劉敏、馬建華
【撐林鄭】支持林鄭的向太巧合地曾投資拍電影《我愛777》，又捐錢777萬助七警。資料圖片
【撐林鄭】張立基昨日在微博貼777帽，力撐林鄭。
|
鍾意就快D Share啦！
|
|
|
