去年年底，娛樂圈大量人妻報喜，宣佈即將榮升雞媽媽，除了預產期快到嘅謝安琪、張名雅、周汶錡、楊愛瑾等，葉翠翠亦好快生得。陀住「小雞子」嘅佢，趁肚皮29周大嘅時候，孖老公周曉東一齊影美孕照。翠翠話今次影咗幾款唔同造型嘅相，包括其中一輯着白色喱士內衣褲，襯白色長紗嘅靚相，佢同老公都好滿意。不過，佢老公就冇效法楊愛瑾老公趁機騷「朱古力」肌，只係著恤衫灰色西褲，翠翠就踢爆老公好保守。翠翠笑住話：「影呢輯相前都有搞笑事架，大家都知影呢啲大肚相，啲衫一定都係少啲布架嘛，但老公就唔知幾時變得咁保守，咁又話唔得，咁又話唔得。」翠翠又爆，佢本來為咗影呢輯相，買咗好多靚靚內衣褲，但俾老公發現咗，即刻話『影你個頭』，咁都要尊重老公嘅，所以最後都加咗件外衣。」發現有咗之後，翠翠同老公去過泰國同日本旅行，佢話老公本來想再去歐洲，因為BB出咗世就唔會再有機會二人行。翠翠話：「嗰時覺得唔想嘥錢，所以冇去到，依家諗諗下都有啲後悔添！不過第時一家三口去，我諗都係另一種樂趣嚟嘅！」化粧、攝影：Jerman Cheung and Jessica Yeung @J.A.C.K.Timeles makeup & photography FACTORY
髮型： Matt Chau
《蘋果》第十二屆金話梅電影選舉（Golden Plum）又嚟喇!由今日起，請在以下網址（http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。
|
鍾意就快D Share啦！
|
|
|
