余文樂話買唔起就梗係租啦，不過佢女友王棠云（圈）唔係喺香港住㗎！
藝人余文樂（樂仔）、楊千嬅和導演彭浩翔等，在九龍塘出席《春嬌救志明》群星首映禮。提到電影未正式上映但本周四已經有兩場滿座，成績非常理想，彭導即搞笑謂：「即得兩場咋？」令兩位演員忍不住叫他要低調點，其中樂仔便感謝各大院線支持，提早開放預售，之後亦會到戲院謝票向觀眾致意。
票房平常心
提到宣傳舖天蓋地，問費用是否高昂，樂仔即謂：「演員出時間，公司出錢，大家出錢出力。」問是否對票房成績有信心，千嬅即表示平常心，樂仔則謂：「唔講票房啦，依家啲人鍾意睇開心啲嘅戲，呢度都係喜劇嚟，睇完都會好開心咁離開戲院。」亦指沒有想過不少內地戲院都想以廣東話原聲播放。
忍痛剪戲
提到曾有消息指彭導會請周潤發（發哥）、鍾楚紅出演《春》戲，彭導即謂：「諗過好多計劃，但冇公布過話有發哥，咁發哥都好支持套戲。」更指自己因片場問題而剪走荷里活巨星里奧勒度狄卡比奧（Leonardo DiCaprio）替身參演的戲份，有如忍痛割愛。
澄清唔係一齊住
講到最近有指樂仔以12萬月港元租，與台灣女友王棠云於赤柱築愛巢，樂仔即謂：「哦！我唔講呢啲！」但千嬅和彭導則非常雀躍，千嬅謂：「做乜唔租畀我哋，我哋付出咁多！」彭導則謂：「我拍得你咁好，租間屋畀我都好應該！」搞到樂仔只好苦笑謂：「我就係諗住裝修好畀你住，想畀Surprise你，但畀佢哋講晒出嚟！」之後，樂仔至用認真Mode回答：「梗係唔係啦，冇你哋想像得咁戲劇化，我買唔起就梗係租啦。（同女友住？）佢住台灣，點會一齊住，大家點到即止呀。」
提到千嬅囝囝Torres在馬場現身，千嬅就表示奶奶想見Torres，但囝囝至今仍未知道何謂賭博，只知道賽馬是比賽。
來源 source: http://hk.on.cc
|
鍾意就快D Share啦！
|
|
|
