掃呢頁CODE去手機

2017年4月22日 星期六

【獨家】37歲阿Bob生三囡後再度有喜 帶老婆公立醫院睇產檢 __,阿B,林盛斌,Bob,鍾鎮濤,

一屋都係女嘅林盛斌(Bob),有老婆Pearl,三個囡囡霏霏、熹熹同機機,仲有兩個外傭姐姐,全屋陰盛陽衰嘅Bob,自言係女人奴,不過天生一副外父相嘅佢 ...


一屋都係女嘅林盛斌(Bob),有老婆Pearl,三個囡囡霏霏、熹熹同機機,仲有兩個外傭姐姐,全屋陰盛陽衰嘅Bob,自言係女人奴,不過天生一副外父相嘅佢,一直心思思想追個仔。《蘋果》收到消息,今年37歲嘅阿Bob,近日同老婆Pearl努力下,喺今年年頭造人成功,至今Bob嫂懷有4個月身孕,Bob一直為四度升呢人父喜訊保密,不過老婆個肚越嚟越大,加上過咗3個月,兩公婆終於忍唔住向身邊親戚友好透露喜訊。日前更有讀者撞見Bob陪老婆去伊利沙伯醫院做產檢,陀B喜訊正式曝光,而Bob嫂嘅預產期將會係今年10月。據知Pearl腹中磈肉雖未揭盅性別,但佢哋密友紛紛估呢胎係仔,Bob夫婦都非常口密,希望畀大家驚喜。嚟緊一家五口將會增添新力軍,Bob自覺o依家住緊間屋就嚟唔夠住,所以明知o依家樓市係癲價,但喺年初得知老婆再度有喜,Bob就俾人見到帶住老婆,出動去睇何文田半山過億獨立屋。(新聞連結:http://bit.ly/2oZqvYF )被爆出即將再做老竇,Bob今日回覆傳媒時,就冇否認:「我好享受做爸爸,總之多謝關心,適當時候,我一定同大家分享喜訊,你哋等我好消息,我都想將好消息同大家分享。」至於四度有喜嘅Bob嫂亦對喜訊不置可否,佢今日回覆《蘋果》時話:「多謝祝福,詳程問番Bob,唔該晒。」

(資料圖片) 阿Bob年初同太太造人成功。(資料圖片) (資料圖片)
一屋都係女嘅Bob,當然想追個仔。(資料圖片) (資料圖片)

來源 source: http://s.nextmedia.com
鍾意就快D Share啦!