掃呢頁CODE去手機

2017年4月22日 星期六

酒店蜜會已婚富豪?傅嘉莉死撐咁啱撞到 __,傅嘉莉,

哦~原來係咁!藝人傅嘉莉(Kelly)出席商場活動,穿上短褲的她露出長腿。提到早前她被影到與已婚富豪莊天龍在峴港的酒店蜜會,Kelly解釋是一場誤會: ...


哦~原來係咁!

藝人傅嘉莉(Kelly)出席商場活動,穿上短褲的她露出長腿。提到早前她被影到與已婚富豪莊天龍在峴港的酒店蜜會,Kelly解釋是一場誤會:「張相係我同佢(莊天龍)兩個本人,其實係一個好大嘅誤會,有朋友邀請我去私人活動,撞到佢就say個hi。(你自己獨自去峴港?)係有好多人一齊去,但分唔同時間。(你之前同莊天龍傳緋聞,早前你哋喺峴港又咁啱撞到,會唔會太巧合?)我希望唔好再有類似新聞,希望專注我拍劇工作。(事件太巧合?)我平時有自己嘅社交活動同私人空間,唔想影響工作。(有指全程只係得你同佢兩個人。)好多謝大家關心我,除咗工作之外,我知大家好關心我嘅私事,我想專注工作先,其他不實嘅新聞唔會回應。(你係咪小四?)絕對唔係。(同佢係咩關係?)普通朋友,一直都好少聯絡。(莊天龍係咪畀你朋友邀請出席同一個活動?)可能我哋身邊有唔少common friend,但活動上見唔到佢。我唔知朋友請咗咩人。」

稱與莊天龍冇聯絡

問到會否因此影響心情?Kelly稱不會受假報道而影響,但不希望影響到身邊朋友。至於會否擔心影響形象?她說:「希望拍多啲作品畀人認識真正嘅我,我好緊張自己事業,希望大家對我公平啲。(你緊張自己事業,但又有咁多呢類報道?)大家都係留意我嘅工作。(你同莊天龍表現親密,你當時着住泳衣?)我游完水,撞到打招呼都係禮貌。(睇相見到你哋傾得好開心?)唔同人有唔同感受。(你哋畀人嘅感覺係好開心?)唔同人唔同感受。(喺峴港之後有冇再見佢?)冇。(同佢有冇再聯絡?)冇,一直都好少聯絡。(有冇畀公司照肺?)公司知我去旅行,我同公司有緊密溝通。(有冇被網民抨擊?)冇乜,大家都知係假。」


來源 source: http://hk.on.cc
鍾意就快D Share啦!