(Getty Images、美聯社圖片)
即上英超刨績王：http://win.on.cc/epl
諗都諗唔到，於歐霸主場對安德列治，或者係伊巴謙莫域最後一次為曼聯上陣！周四深夜紅魔鬼力爭入歐霸4強，去到完場前伊巴落地落得唔好，拗到膝頭右腳重創。意大利知名記者Di Marzio爆料，伊巴膝頭前、後兩條韌帶均有撕裂現象，做完手術後要抖9個月，最快都要到出年1月先可以復出。到時伊巴已經36歲，曼聯或者會逼不得已放棄呢位老將。
伊巴受傷之後顯得非常痛楚，需要即時調離火線，雖然勞基梳爾於賽後表示，伊巴受傷後於更衣室行得走得，不過Di Marzio表示伊巴傷勢極重，慘到兩條韌帶都有斷裂現象，需要盡快進行手術。韌帶康復需時，加上伊巴年齡唔細，所以保守估計要出年先可以康復，對呢位瑞典戰神嚟講肯定係噩耗。
伊巴一向以硬淨見稱，於職業生涯絕少出現大傷，估唔到去到尾段先遇到重大挫折。本季伊巴表現一流，已經射入28球，領隊莫連奴極希望同佢簽多一年約，但依家伊巴2017年拜拜，據稱紅魔方面已對續約事宜暫時擱置。此外，本身中超及美職球會均對伊巴虎視眈眈，現時亦轉向抱觀望態度。
伊巴1999年於馬模開始職業生涯，之後曾效力阿積士、祖雲達斯、國際米蘭、AC米蘭、巴黎聖日耳門及曼聯，除馬模外，於每間球會佢都攞過頂級聯賽冠軍，今次重傷可謂人算不如天算，其驕人聯賽冠軍成績，或會喺紅魔鬼生涯中斷纜。
東網體育同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
