掃呢頁CODE去手機

2017年4月26日 星期三

人生必做十幾件事 關之琳50歲已經諗定 __,關之琳,

關之琳真係好有計劃!大美人關之琳(Rosamund)以RosamundMOISELLE創意總監首次出席Moiselle周年晚宴,於品牌創作上會加入不少 ...


關之琳真係好有計劃!

大美人關之琳(Rosamund)以Rosamund MOISELLE創意總監首次出席Moiselle周年晚宴,於品牌創作上會加入不少自己生活作為創作靈感,新系列會加入潮流元素及個人喜好,說:「會有點玩味,加咗自己嘅lifestyle,例如滑雪,我好鍾意滑雪。(有冇受過傷?)咁又冇,只試過撞到支旗仔,學滑雪呢啲事一定有,同埋我好穩陣,會同啲有經驗的人一起滑,我其實做好多運動。(行山呢?)行山都行咗20、30年,係依家先愈來愈多人行山。(你滑雪滑咗幾多年?)三年。(呢個年紀先學滑雪唔驚?)唔好咁諗就唔會驚,我50歲時曾定咗十多件要做的事,第一是係做呢個品牌,第二係學滑雪,第三係學打鼓,都想做啲音樂嘅嘢,依家都完成咗四、五件事。(仲有邊幾樣?)都係啲濕碎事。」

至於最後一件要完成事是否搵到另一半長相廝守?她即笑着說:「呢樣唔諗放棄咗!(但妳有很多人追求?)呢樣擺最後,有緣份先。(咁有啲咩覺得最難完成?應該係想學捉中國象棋,對我嚟講實在太難,真係要搵老師慢慢教先得,所以遲啲先學(搵個象棋叻嘅男友?)哈哈!咁咪好似兩個石像坐喺度,都可以諗吓,捉棋可防止老人癡呆症。(陳栢熹Harris說妳現時活得很自在?)是啊?!(咁定個目標想影寫真?)唔好嚇襯人」


來源 source: http://hk.on.cc
鍾意就快D Share啦!