大劉愛投資超級豪宅地段，買地皮起獨立屋，更有「渣甸山大業主」之稱，有指他對住所要求甚高，每次收樓必親自出巡，仔細檢查，更會帶埋鎚仔，發現有不滿意的地方 ...
大劉愛投資超級豪宅地段，買地皮起獨立屋，更有「渣甸山大業主」之稱，有指他對住所要求甚高，每次收樓必親自出巡，仔細檢查，更會帶埋鎚仔，發現有不滿意的地方，就扑爛佢，要裝修工人再整。大劉也直認不諱：「一定有，第一間屋咁做。係我阿媽以前間屋，我負責裝修。」扑過幾次鎚仔？「好多次。」【寧願俾double pay】
「第二次係12號白建時道間屋，起咗好多年。點解呢？一睇見唔啱就火都嚟埋，你唔扑爛佢，驚佢一陣又詐詐諦諦，咪又係繼續由得佢喺度。你扑爛咗佢，佢哋一定要再做過。」老闆，其實有兩種，一係，要工人做到可以收貨喇，你先有錢收；劉鑾雄呢種，你做得唔好，我唔收貨，但我俾錢你再做過，直至收貨為止。大劉稱：「我哋唔係叫佢哋白做，照俾番錢，double pay。佢點會肯白做？點肯蝕底畀你？我哋要求高嘛，就算double pay，你都要做番啲嘢，直至我肯收貨滿意，而唔係扑爛咗、迫你免費幫我做。」Double pay原因，其實好簡單，人同此心：「如果唔係，肯定第二次衰過第一次，第三次衰過第一次同第二次，一定係咁啲工人。」【裝修工人都好求其】
「由以前到依家，香港嘅建築工人、裝修工人都好求其，好揦西，呃得就呃，博懵就博。我哋要求高，好似舖啲瓦仔歪歪斜斜，睇見火到嚟埋，咪扑咗佢要佢哋再做過。」對住屋的堅持、力求完美的性格，亦投射到其營商理念。大劉說：「唔好講起屋，如果我要求唔高，我都唔會捱到今日、搵到碗粥食，真係㗎！一個人要有要求，你先會有俾到自己嘅指標，同埋你要自己頂得住先得。」大劉又話，做老闆，要懂得控制成本，要令員工明白，粗心大意致損耗，會增加成本，一定要執到正：「個個伙計話你係好老闆，跟住唔做，你最多咪炒佢魷魚！損失又係你。」統籌、採訪：陳月媚
攝影：陳俊強
攝錄：NEO、馮嘉銘、吉吉【劉鑾雄講大劉（1）】
獨家 千億富豪劉鑾雄 24歲問家傭借錢入院割膽
http://bit.ly/2ngVqNq【劉鑾雄講大劉（2）】
走過三輪水貨 「風扇劉」血淚史：唔夠半年已經冇錢出糧
http://bit.ly/2obalOj【劉鑾雄講大劉（3）】
遭猶太人出賣 大劉：我係廢柴中嘅廢柴，懵炳中嘅懵炳！
http://bit.ly/2mPTGzh【劉鑾雄講大劉（4）】家道中落 老父開廠俾人呃晒 大劉10歲前冇床瞓
http://bit.ly/2nr56WG【劉鑾雄講大劉（5）】大劉親剖與父關係：初則口角，繼而動武
http://bit.ly/2on7WQC【劉鑾雄講大劉（6）】聘福臨門廚師為家廚 大劉狠批昔日飯堂：依家唔啱胃口！
http://bit.ly/2oLevsv【劉鑾雄講大劉（7）】保鑣變毛巾黨 大劉驚握手：啲男人小完便唔洗手！
http://bit.ly/2oBDr69【話你知】同大劉有關係嘅名人、美女有幾多？即睇「大劉人物關係圖」: http://bit.ly/JosephLau
