掃呢頁CODE去手機

2017年4月20日 星期四

【獨家】帶囡囡大阪賞櫻 郭可盈緊張護女 林文龍闊佬懶理 __,林文龍,郭可盈,

林文龍同郭可盈育有7歲寶貝女林天若,天若o依家喺保良局蔡繼有學校讀緊小一。喺啱啱過去嘅復活節,兩公婆就趁囡囡學校假期,帶咗天若去大阪旅行。踏入春天嘅大 ...


林文龍同郭可盈育有7歲寶貝女林天若,天若o依家喺保良局蔡繼有學校讀緊小一。喺啱啱過去嘅復活節,兩公婆就趁囡囡學校假期,帶咗天若去大阪旅行。踏入春天嘅大阪,滿山滿地櫻花處處,《蘋果》讀者周小姐透過「爆相爆片」,見到上周六(15日)下晝3點半,林文龍一家三口專誠去大阪城公園賞櫻。周小姐表示:「林文龍喺公園行嚟行去四處望睇櫻花,至於郭可盈就全程照顧住個女,仲專登買咗幾枝串燒同囡囡兩份食,但就唔覺林文龍有食。」雖然郭可盈近年已逐漸淡出娛圈,不過警覺性就比拍劇嘅林文龍敏銳得多。周小姐透露:「每逢聽到有講廣東話嘅人行過,或者有人認得出佢哋,郭可盈都會直視嗰個人,見人哋望實佢,佢就會拉囡囡行埋一邊。反而林文龍就冇乜點理。」一副有女萬事足嘅郭可盈,即使冇喺幕前拍劇好耐,但今時今日都仲收到唔少劇本搵佢拍劇,郭可盈就話自己間中都會有戲癮,不過就想專心湊女先,唔想錯過囡囡嘅成長階段。至於林心龍,早排忙拍無綫新劇《不懂撒嬌的女人》,但以家庭為重嘅佢,每日開完工都會摩打腳返屋企睇女,佢仲話:「囡囡只要攬吓我,我個心立即溶化!」

緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」AppApp store下載:https://goo.gl/0kW2cKGoogle Play下載:https://goo.gl/4K7EHw

今個復活節假期,林文龍同郭可盈帶住囡囡天若去大阪賞櫻。(圖片由讀者提供) 期間郭可盈買咗串燒同囡囡兩份食食。(圖片由讀者提供)
郭可盈邊食邊留意附近環境。(圖片由讀者提供) 讀者話林文龍間中都有行開自己去賞櫻。(圖片由讀者提供)
兩公婆錫到囡囡燶。(資料圖片) 林文龍話攬實個女,自己個心都溶化埋。(資料圖片) 郭可盈對囡囡悉心栽培,終於入到心儀小學。(資料圖片)

來源 source: http://s.nextmedia.com
鍾意就快D Share啦!