霆鋒獲霍士邀拍《鋒味》以色列取景搵命博
謝霆鋒去年獲米芝蓮頒發百年以來第一個「米芝蓮之友」榮譽後，再次衝出國際，將與美國霍士（FOX）電視合作炮製英語版《鋒味》，據知節目製作費逾1億港元，霆鋒更將遠赴以色列取景，由於當地政局持續不穩，更時常爆發槍戰，霆鋒今次認真搵命博！
男神謝霆鋒主理的真人騷節目《12道鋒味》由2014年起一連三季都大受歡迎，去年更獲米芝蓮頒發百年以來第一個「米芝蓮之友」榮譽。據知霆鋒更上一層樓，獲美國霍士電視垂青，邀請合作炮製英語版《鋒味》，成為霍士2017年的重頭節目，而節目將於霍士頻道及國家地理頻道（National Geographic）播放。喜歡挑戰自己的霆鋒一向膽識過人，據知今次更將冒生命危險，遠赴政局動盪的以色列拍攝，因當地不時發生槍戰，故霆鋒今次認真搵命博！
親自主理晚宴菜式
霍士電視前日及昨日在峇里舉行主題為「East meets West」的晚宴，除了霆鋒獲邀出席外，同場還有多次奪格林美獎的美國歌手Michael Bolton、霍士電視總裁Zubin Gandevia、選美出身的主持Cindy Bishop、著名探險家Albert Yu-Min Lin，以及霍士電視其他頻道的VIP嘉賓等。席間除了宣布是次合作計劃外，霆鋒亦獲邀以大廚身份設計三道菜式。
對於跟霍士合作，霆鋒昨日透過電話表示相當開心及榮幸，他表示是在機緣巧合下認識霍士亞太區負責人：「今次合作真係天時地利人和，霍士嘅Proposal係我哋想要嘅嘢，佢哋嘅Idea係『East meets West』，大家一拍即合，可以話係用咗一支雪茄煙嘅時間就確定今次合作。」事實上，霆鋒精通兩文三語，在幕前發展之餘亦擅長下廚，出道20年以來有強大的粉絲群，故他可謂是外國品牌進軍內地、以及內地品牌衝向國際的橋樑，而今次衝向國際亦是《鋒味》的一大里程碑。霆鋒一直為烹飪下了很多苦功，由最初不停刨烹飪書及入廚房，到早前患筋膜炎，故他坦言現時有這些成就很開心。
大無畏未諗買保險
講到節目將到以色列取景，霆鋒表示《鋒味》精神就是勇闖世界每個角落尋幽探秘及尋求美食，大無畏的他說：「冇點覺得危險，未諗到買保險，之前拍《逆戰》都去過約旦嘅死海，印象中去過政變國家拍節目都依然受保。」講到晚宴，他表示開心見到很多來自世界各地的人因美食聚在一起，最大感觸是大家認同他混合中西文化的料理，坦言無法用形容詞形容滿足感及開心。另外，霆鋒昨日上載兩張在泳池暢泳的相片，見其背脊露出與女友王菲「比翼雙飛」的紋身，力證情未變。
文：音樂組
|
鍾意就快D Share啦！
|
|
|
