掃呢頁CODE去手機

2017年5月6日 星期六

【胸贏全場】無懼走光!34C思琦妹晒湯碗胸:冇地方俾佢移位 __,思琦,

慧妍雅集35周年慈善晚會,今晚喺尖沙嘴洲際舉行,出席有劉倩婷、陳法蓉、向海嵐、楊婉儀、王愛倫、楊思琦同張名雅等,勁性感嘅思琦妹以一身背心白色珠片dee ...


慧妍雅集35周年慈善晚會,今晚喺尖沙嘴洲際舉行,出席有劉倩婷、陳法蓉、向海嵐、楊婉儀、王愛倫、楊思琦同張名雅等,勁性感嘅思琦妹以一身背心白色珠片deep V連身裙,玩透視feel,大晒34C上圍「胸」贏全場,露出深長事業線,佢話今次尊重大會,所以打扮得靚啲都係為慈善。思琦妹諗番今年應該係最性感嘅一年,之前都係着啲tube dress嗰啲,思琦妹又話:「今年有sponsor為我度身訂造同設計,講個設計嗰陣,已經話件衫着咗等於冇着,同埋啲色都好似自己身體嘅膚色,自己着嗰時,都不以為意,但係着出嚟都幾滿意。」問佢怕唔怕走光?思琦妹淡定咁話:「應該唔會㗎嘞!應該冇得郁,冇地方俾佢移位。」咁係唔係因為keep得好,所以唔怕性感?思琦妹直言:「冇諗過要唔要性感囉,不過呢個真係一個新設計嚟,有人問我囡囡會唔會未見過我咁性感,其實囡囡乜嘢都見過晒,因為我哋會一齊沖涼,細個係親子,沖涼時可以教吓佢一啲知識,囡囡望我嗰陣,佢會問番我,大個會唔會好似你咁,我話一定會嘅,婆婆有時都會同佢沖涼,佢都會話婆婆好犀利,媽咪都好犀利。」思琦妹笑言自己只係遺傳到媽咪嘅一半,不過媽咪o依家肥咗啲,負擔好重,而囡囡就可能遺傳到四分之一,但就唔講係咩級上圍,叫大家猜想一下,思琦妹都覺得身材要靠後天培養,希望囡囡將來身材都好啦!張名雅今年3月生咗囝囝Mario(新聞連結:http://bit.ly/2qLwgth),坐完月冇耐嘅張名雅話慈善餐舞會一年一次,嚟咗呢個餐舞會4年,問佢會唔會撇甩囝囝有啲唔捨得,張名雅話:「暫時未有太大感覺,只係幾個鐘頭,都未夠廿四小時,之後拍劇出trip嗰啲就要諗吓。」佢仲話放完假都會做嘢,仲話唔會同囝囝搞大型百日宴,都係同屋企人開開心心食飯,目前仲餵緊人奶,又爆囝囝好大食,埋身同泵奶要好勤力,不過怕唔夠人奶,所以有補少少奶粉俾囝囝,但囝囝成日好似好肚餓,總之一見到囝囝就會好開心。講到產前佢忽然貼咗一張烏雲密佈嘅相上社交網,唔知係唔係有產前抑鬱?張名雅解釋自己係一個多嘢諗嘅人:「好又諗、唔好又諗,有一個平台俾佢自己share番啲嘢出嚟,冇咩特別。」張名雅又讚老公好好,有幫手照顧BB,好多嘢都好想參與,佢知BB大得好快,老公唔想錯過呢個時刻。

(攝影:仇志德) 慧妍雅集35周年慈善晚會喺尖沙嘴洲際舉行 一眾慧妍雅集成員
楊思哥大晒34C 張名雅今年3月生咗囝囝Mario

來源 source: http://s.nextmedia.com
鍾意就快D Share啦!