陳瀅、張振朗、張兆輝、王卓淇等到尖沙咀出席無綫劇集《全職沒女》大結局飯局。陳瀅提到昨日睇到東網有關二人「床戰」報道時嚇一嚇，以為係講走光及露半球，細看之下原來講緊張振朗！振朗搞笑稱唔知要否行性感路線：「啲相流出嚟嘅半球係我嚟嘅，我都唔知係咪要行性感路線，因為我在戲中好多裸露鏡頭，不過相信啲人都係鍾意睇陳瀅性感多啲！」
畀腳毛嚇窒
談到二人拍攝床戲的感受，陳瀅即賽後「包膠」（報告），搞笑稱被對方的腳毛嚇窒，更高呼對方又粗又「鞋」：「拍親熱戲都尷尬，但佢好有風度照顧我感受先拍。但佢好多腳毛，啲腳毛多到嚇親我！有場戲講場我地要翹住腳，但佢太多腳毛，令我好尷尬。我地拍攝時離行離列，導演都唔收貨，要我地翹得緊啲。不過感覺好『鞋』同好『粗』！」問到陳瀅是否鍾意光管腳男士，而不喜歡多腳毛的男士？陳瀅聞言又爆料謂：「佢冇咩腋毛，好少。我情願多腳毛好過多腋毛，如果多腋毛拍親熱戲會被毛拮親，不過咁證明張振朗腋下冇異味！」慘被陳瀅頻頻爆料的張振朗面露尷尬地說：「我好似咩部份都畀你睇晒咁！」
問到二人是否希望拍攝續集？二人齊聲表示想拍續集，振朗說：「希望拍喜劇，我地之前拍咗段片，大家都鍾意我地拍喜劇。」講到同劇張兆輝被女粉絲撩上床，問陳瀅有否類似遭遇？她說：「呢排冇特別留意，問價就不嬲有，但冇特別睇。」又提到陳瀅日前被網民惡搞變成歌詞「萬能key」？她笑言好開心：「自己最鍾意嗰句係『陳瀅實在太多』，因為真係太多喇。」
陳瀅係臥底
陳瀅語畢又爆料稱與振朗同行期間，聽到對方與一位auntie講電話，女方更叫他一定要同場，仲「幾錢都肯畀」！振朗即連忙解釋:「所有嘢經過你口都歪曲晒！其實有auntie搵我做嘢，想我出席佢個囡婚禮。講緊幾錢都畀係指封做嘢利是！你（陳瀅）係臥底，第時講嘢要小心啲！」
|
鍾意就快D Share啦！
|
|
|
