羅敏莊話囡囡好鍾意表演。
藝人羅敏莊出席童星選拔活動，透露囡囡很愛表演：「佢近排做啲技巧嘅嘢，我估佢想學體操，佢喺床到打筋斗，試過用腳夾住公仔再起番身，我估可能係因為我帶過佢睇馬戲團嘅女仔做軟骨功，佢喺屋企自己學，所以我諗係時候帶佢學體操，佢本身又係比較活潑。」她笑言老公晚晚都同囡囡玩引體上升。她亦謂囡囡愛唱歌跳舞，又愛玩體操，笑言可以與囡囡組隊組合「母女花」。問到可會有興趣畀囡囡做童星？她謂：「暫時未有人搵，不過唔係我有冇興趣，而係我個女有冇興趣，要小朋友出台好難搞，佢哋可能明明之前應承晒，但臨上台就唔制，所以做星媽其實都唔簡單，我唔係好敢。」
講到明日母親節，她謂今晚會跟一班親戚朋友與媽咪慶祝：「我哋包咗間細餐廳開party，聽講係男人畀錢，女人唔使畀。（囡囡有冇送咩禮物畀你？）佢好似整左條類似頸鍊嘅物體畀我，但佢畀完我睇之後就自己戴住行開咗，冇送畀我，不過佢依家先得4歲，所以係我哋同媽媽慶祝多啲，唔係好奢望佢同我慶祝，反而尋日似兒童節，同佢玩左成日。」
來源 source: http://hk.on.cc
|
鍾意就快D Share啦！
|
|
|
