被一致認為係非一般無綫劇嘅《不懂撒嬌的女人》將於喺周日，即係28號播映大結局，喺劇集上半部一直女強人姿態示人嘅宣萱，同舊情人林文龍重遇之後，處處針鋒相對，不過最後林文龍一句：「請妳管住我！」成功融化咗宣萱舊情復熾。故事發展到中斷，林文龍俾高海寧誣告性騷擾而離開傲星，宣萱亦跟隨離開，佢哋兩個去咗上海發展交友網，喺今晚(21號)播映嗰集開始，林文龍俾上海嘅拍擋郭力出賣兼呃晒佢所有錢，一無所有嘅林文龍唯有返香港發展，宣萱亦賣樓支持林文龍創業。本來已經向宣萱求婚成功嘅林文龍，因為高海寧嘅介入而激嬲咗宣萱，差啲令呢場婚事告吹，就算佢哋結咗婚，高海寧都冇放棄，甚至向宣萱誇下海口話要同佢共用林文龍，最後宣萱守得住呢段感情，兼且仲轉咗做林文龍嘅私人助理，要好好管住林文龍。其實喺宣萱生命中，除咗林文龍之外，老豆劉丹亦都係一個重要嘅男人，本來劉丹為咗唔俾其他女人介入宣萱同林文龍呢段關係，於是乎出招趕走林文龍身邊啲女，其中一個係嚟自大陸嘅于淼，點知最後佢哋日久生情，唔單止發展咗一段爺孫戀，之後仲有BB，本來宣萱己經迫于淼離開劉丹，但係最後梗係棒打鴛鴦不成，劉丹仲帶埋于淼去宣萱嘅婚禮，激到宣萱紥紥跳。
| 宣萱同林文龍呢段感情，因為高海寧帶嚟唔少衝擊！(網上截圖) | | |
| | | |
| | | |
來源 source: http://s.nextmedia.com
|
鍾意就快D Share啦！
|
|
|
