好彩Dash（右圖）冇事咋！
樂隊Mr.成員Dash（譚健文）在社交網自爆遇上交通意外，隊友Ronny現身在中山拍攝網絡電影，他在長途電話中代Dash報平安及交代詳情，雖然他不知肇事地點，但知道詳情：「當日係Dash車住佢爸爸嚟我度拎結他啲嘢，之後佢走後幾個鐘就遇上交通意外，條片就好恐佈，我哋有個群組嘛，見到都驚，你睇條片都知咩情況，疑畀泥頭車剷咗埋去，仲係剷正司機位，右軚車打橫剷，都好擔心，因為依嗰個車口嘅速度同重量，真係有機會全部乜都冇晒㗎，人車乜都冇。」他指Dash要搵片主，因為要將片段交由警方處理，而該片是online群組的人影到，應是後面車所拍下再上傳群組，之後再有人send片給Dash。」
問Dash可有受傷？他又說：「最緊要第一時間問佢個人有冇事啦，同屋企人有冇事先，如果佢兩個人冇事就ok啦，跟住再問我支結他有冇事因為我支結他都喺裏面嘛，不過我唔係立即問支結他有冇事，搞清佢兩個人冇事先，知道支結他都冇事，結他對我嚟講都係人嚟架嘛，都係我老婆，所以我老婆都喺架車上面。」Ronny又說Dash遇車禍真的嚇死他，因為剛剛和他見面幾個鐘後就發生「單咁嘅嘢出嚟」，令他最擔心是Dash年邁爸爸也在車內，他謂：「真係好危險呀，之後冇見過佢，佢話兩父子冇受傷，平安就得啦。」
來源 source: http://hk.on.cc
|
鍾意就快D Share啦！
|
|
|
