咁鬆身好易走光㗎喎。
藝人麥明詩於荔枝角出席母親節活動，鮮有性感的她雖然着得不算性感，但彎低身玩遊戲時就不經意哂事業線！她笑謂不想媽媽在母親節辛苦故媽媽未有前來，而且媽媽要準備開講座，被問講座會談論什麼？她笑指是湊大自己的心得。
她透露媽媽的生日與母親節只相隔幾天故送了手機及手錶給媽媽，表示媽媽非常節儉，捨不得買貴手機，連自己獨自一人吃飯吃超過100元亦覺得貴，故她與家人為媽媽慶祝生日時，吃平均每人200元的餐廳，由她及哥哥負責埋單。
談到今日是母親節正日，她表示幸好不需要開工可以再與媽媽吃飯，至於可會製作手工花給媽媽？她說：「佢都唔想我浪費錢。（加家用？）好多㗎啦，有五位數字，可能要等多十年先有六位數。」
談到舊愛林作曾公開表示欣賞陳蕊蕊，她謂：「佢個個都讚。（口花花？）我都係睇報紙㗎咋，不過冇所謂嘅，呢啲慷慨又唔使錢。（以前成日冧你？）我唔受呢啲㗎喎。（拍拖個陣會對其他女仔口花花？）我睇實事嘅，行動好過淨係講，言語藝術嚟嘅，我今晚都返去同阿媽講你好靚！」又反問記者有沒有留意她在社交網站貼出與媽媽的合照，她謂：「影得佢好後生吖。（執相？）我執我自己囉，覺得好大競爭呀！」
來源 source: http://hk.on.cc
|
鍾意就快D Share啦！
|
|
|
