掃呢頁CODE去手機

2017年6月19日 星期一

【獨家】跑馬地孤獨醫肚 53歲陶大宇搵老闆搲吹水 __,陶大宇,

正所謂「有朋自遠方來不亦樂乎」,不過好多人會問「邊有咁多朋友先」!其實識朋友真係好易,學下陶大宇咁,日前《蘋果》喺跑馬地嘅新昌明食店見到佢,嗰陣大約係 ...


正所謂「有朋自遠方來不亦樂乎」,不過好多人會問「邊有咁多朋友先」!其實識朋友真係好易,學下陶大宇咁,日前《蘋果》喺跑馬地嘅新昌明食店見到佢,嗰陣大約係黃昏6點左右,見到大宇一個人去咗食嘢,不過佢今次唔係叫「男人嘅浪漫(豆腐火腩飯)」,反而係叫咗碗麵同凍檸茶,坐咗喺近門口嘅一張枱開餐!7年前同前妻黃慧寶(阿寶)離婚嘅大宇,當日食咗20分鐘左右就「搞掂」咗碗麵,但係佢食飽飽之後冇即刻埋單走人,反而繼續坐低同老闆吹水,睇見佢哋似乎好鬼friend,就算有其他食客眼望望都話之佢,傾極都傾唔完,唔覺唔覺佢哋傾咗差唔多傾咗30分鐘,大宇先至走人,不過臨走嗰陣見到有人準備入餐廳食飯,大宇雖然已經行咗出門口,不過都幫人拉住個門,真係好gentleman呀!而大宇今日接受《蘋果》訪問,講到嗰日同茶餐廳老闆好好傾,而且仲好gentleman 咁開門俾其他人佢笑話:「好小事啫,嗰度地方淺窄,冇乜所謂。我同老闆識咗好耐,佢係我啲枱波友,而且同好多藝人都好熟,所以有好多明星去食嘢。」大宇近年主力喺大陸做嘢,好少喺香港拍劇,唔知佢又有冇計劃幾時返嚟拍劇呢?大宇話:「其實無綫都有搵過我傾,我o依家一個禮拜都會上上落落幾日,如果要拍嘅話,最少要有3、4個月留喺香港,係時間有時夾唔到。」唔知嗰啲有新意嘅劇本,會唔會容易打動呢?大宇話:「我又冇話要有乜嘢重心,最緊要係時間夾到同埋啱feel!」

採訪、攝影:吳耀輝、畢紹基 陶大宇日前去咗跑馬地嘅新昌明食店開餐。 雖然佢一支公
但佢並不孤單,因為有老闆陪佢吹水。
走嗰陣佢仲幫人拉住度門。

來源 source: http://s.nextmedia.com
鍾意就快D Share啦!