聽到樂瞳咁講，相信佢爸爸都一定好冧！
女藝人樂瞳近日宣布離開效力十年的無綫，希望事業有新景象，她曾表示父母多年來對她非常支持，從沒給予壓力，為報答親恩，樂瞳日前被發現在尖沙咀選購父親節禮物。
身穿吊帶綠色背心裙的樂瞳當日現身尖沙咀一商場，主攻男士皮具及背囊，她仔細地研究間隔及質地，惟最終未有揀得心頭好並轉戰另一商場選購按摩椅，服務員上前熱心招待，樂曈先後試了兩張按摩椅，身穿短裙的她坐低時小心翼翼，以手袋遮裙，她未有即時決定購買，但拿了宣傳單張再作參考。其後她到商場外睇男裝錶，見她一臉煩惱未能拿下主意，期間她以手機覆短訊，未知是否問家人或朋友意見。
事後樂瞳接受東網訪問，她承認是前往選購禮物，她表示因為爸爸平日工作辛勞喜愛揼骨，所以特別想選購一張按摩椅給他。樂瞳笑言雖然近日離開舊公司有點手緊，但買禮物給爹哋絕對唔慳得！講到平日跟父親的相處，樂瞳表示父親並不多說話，但會默默支持及關懷，兩父女關係密切：「爹哋好錫我，成日驚我唔夠錢使都要死撐，佢哋喺我生日或者大時大節都會封大利是畀我，又會幫我縫衫鈕、抹鞋，佢係一個好細心嘅爸爸。」樂瞳又指父親是她的心理輔導員，每逢她有感情或事業問題，都會分享人生經歷：「事業上佢會勸我主動啲，努力爭取，而之前我有感情煩惱，每次分手唔開心，佢都會盡力開解我，做我心理輔導員，令我心都定啲，我好幸運有呢個爸爸，雖然唔係富爸爸，但佢好錫我寵我，令我好似公主一樣，希望我係佢永遠嘅公主。」
來源 source: http://hk.on.cc
|
鍾意就快D Share啦！
|
|
|
