熱爆娛樂: 【又不是80年代】《賭城群英會》食老本翻「Dup」舊橋高Ling鴨王輪流騷胸 _

2017年6月20日星期二

【又不是80年代】《賭城群英會》食老本翻「Dup」舊橋高Ling鴨王輪流騷胸 __,高Ling,鴨王,高海寧,

擅長拍喜劇嘅大導王晶，幫大台監製嘅新劇《賭城群英會》今晚首播，既然打正旗號由拍《賭神》著外嘅王大導監製，又晒咗一大堆卡士，包括謝賢（四哥）、劉兆銘、黃浩然、高海寧（高Ling）、「鴨王」何浩文、馬國明、佘詩曼等主演，應該好有睇頭嘅……（好似係）真係播喇，唔少得賭博場面，一嚟就係馬明BB喺士多同班師奶打麻將，出千用塊假玉牌呃人哋支傳家茅台，用嚟做乜？就係o氹曾經為世紀賭局做荷官嘅余子明講番當時場面出嚟。余子明話，嗰場賭局，自完成之後，冇人再講，嗰啲有份賭嘅後人都威脅「邊個講就郁邊個」，不過，余子明最後為咗啖茅台，都係照爆。嗰場賭局，有睇過王大導嗰啲「賭」字系列嘅電影的話，一定好有親切感！因為只係人物換咗，但係賭枱擺法、影啤牌近鏡，甚至連威脅對家嘅橋段，同要求以對方隻手嚟做賭注呢啲橋段，幾乎完全翻dup！而四哥嗰個飛啤牌切大麻繩教徒弟、銘Sir賭枱自刎等，都好熟口熟面，真係好懷舊！然後，講到第一集呢一看點，就係高Ling啲cosplay同晒胸，佢嗰套女僕服，造出嘅谷胸效果，係真心震撼！雖然劇中佢被阿佘叫佢換走套衫，好慘慘豬咁，但…絕對係一個明智之舉。至於何浩文，當然唔會放過呢個機會，乘機晒肌！嗰一幕沖涼戲……希望唔會太影響觀眾，搞到個個唔捧場跟咗佢去沖涼啦……其實唔知新劇嘅，真係以為睇緊山寨牌《賭神》呀陰功！至於嗰啲假到笑嘅CG，留番大家發掘……

（電視截圖）	賭局係咪好熟面口，好似係爆光唔同囉，其實啲監場呀嗰啲同30年前嘅電影差唔多。（電視截圖）	銘Sir演高手屠城（電視截圖）
嗰場世紀賭場嘅對手係「胡三成」修哥（電視截圖）	呢啲「冤家牌」，同電影版（右上角小圖）係咪好似先？（電視截圖）	修哥賭輸咗，四哥現身佢。（電視截圖）
到銘Sir輸，發爛渣攞槍指嚇是常識吧？（電視截圖）	四哥仲率先捉咗銘Sir個仔同孫做人質（電視截圖）	銘Sir輸咗自刎（電視截圖）
全劇最養眼一劇（電視截圖）	換另一角度睇（電視截圖）	其實呢套衫好睇啲，仲有阿佘睇。（電視截圖）
呢個……個人口味（電視截圖）	喺劇中，陳百祥飾演馬明等嘅師父，但呢個指尖轉牌，就…有機會係CG嘅錯。（電視截圖）	其實一幕咁簡單嘅揸車戲，點解都可以拍到咁唔真實，咁CG呢？（電視截圖）
預告都係有肉睇（電視截圖）