唔通想做第二個麥明詩？
今屆港姐尋日正式展開首輪面試，一眾參賽者去咗無綫同評判見個面，嚟個熱身先，好多佳麗水準都唔錯添，唔少學歷都好高㗎。
而前大律師林作就喺社交網留言表示：「連續第三年有律師朋友參選。高學歷嘅人投身幕前前睇怕已成趨勢。讀得書多既（嘅）人，識得跳出自己既（嘅）comfort zone，乃係社會之福。」咁究竟佢講緊係邊位呢？其實林作講緊嘅係面試當日着住白色端裝連身長裙，笑起上嚟有兩個「酒粒」、幾可愛嘅Flora Tsui，睇佢嘅社交網發現原來佢2013年11月喺中文大學畢業，2014年完成PCLL法學專業證書課程，好叻女喎！
而林作接受東網電話訪問：「佢叫Flora Tsui，係我朋友嘅前度女友，之前係做事務律師。上年年底佢約我出嚟話唔想做，問我有乜嘢大計，冇同我講過話選港姐。」他續指近年有不少高學歷的女士參選，證明現今社會不斷進步，思想不是再狹窄。他又承認前女友麥明詩亦認識Flora：「因為呢行圈子細，佢嚟香港我哋先識。」
來源 source: http://hk.on.cc
|
鍾意就快D Share啦！
|
|
|
