熱爆娛樂: 【白頭人送黑頭人】四子女三個患癌離世苦命梅媽與梅啟明相依為命 _

2017年7月19日星期三

【白頭人送黑頭人】四子女三個患癌離世苦命梅媽與梅啟明相依為命 __,梅啟明,梅艷芳,梅媽,癌,

講到梅媽覃美金，可能外界對佢嘅印象主要係爭產同打官司，但原來佢曾經係一名中醫，丈夫早逝，其後創辦「錦霞歌舞劇團」。梅媽先後生下兩子兩女，分別係梅啟明、梅德明、梅愛芳及梅艷芳，其中兩個女愛芳及梅姐年紀細細已經踏足舞台，賺錢幫補家計。而梅媽嘅4名子女，其中3名已先後離世，梅愛芳喺2000年4月因子宮頸癌病逝，其後梅姐亦因同一病於2003年撒手人寰。至於梅姐二哥梅德明，亦喺前年因喉癌病逝。梅媽膝下只剩梅啟明一粒仔，而梅德明育有兩名女兒，梅愛芳亦有兩名兒子，梅媽雖然叫做有子有孫，但其實都叫命苦。梅媽自從喺梅姐過身後，不時為咗由梅姐遺產中提供生活費金額有爭執，甚至要打官司，就以最近一單嚟計，梅媽喺舊年向法庭申請一筆過提取15年生活費，共7,100萬元，遭法庭拒絕後，上訴被拒，梅媽仍不服，今年2月以書面向上訴庭申請上訴許可至終審法院，上訴庭喺今年4月頒下判詞駁回梅媽嘅上訴許可申請，及下令要佢支付遺產執行人滙豐信託及另一受益人妙境佛學會嘅訟費。（新聞連結： http://bit.ly/2u4CPcG ）而喺梅媽嘅訴訟路上，梅啟明都陪伴在側；若梅媽身體不適，亦是由梅啟明照顧。

	梅啟明陪伴母親在側（資料圖片）	（資料圖片）
兩母子為梅姐遺產分配及分發方法，打咗多了官司。（資料圖片）	梅德明比較低調，數年前曾現身梅姐艷像揭幕活動。（資料圖片）	梅姐（右）及胞姊先後死於子宮頸癌。（資料圖片）
梅愛芳於91年嫁給潘立德（資料圖片）	梅愛芳