「白花油王子」顏福偉接受電台錄音訪問，身為「富二代」的他坦言從來不擔心另一半貪其錢，他說：「我依家都50幾歲人，如果佢唔係貪我錢，唔通貪我有皺紋。」顏福偉直認心態上會作最壞打算，他說：「貪你錢都好正常，冇錢佢點過生活？我會同朋友講，佢最好就貪你錢，呢個係最壞打算，如果最後發現佢唔係貪你錢，係喜歡你嘅外型、喜歡你對佢好，就會覺得開心。」
曾以為男友貪錢
顏福偉直認花了很長時間才信任拍拖9年的現任男朋友，他說：「初時會有唔少爭執，心諗其實佢可能貪我錢，但經過唔同爭拗同多年相處，就發現原來冇乜大問題，依家會視佢為一個『伴』，會一齊分析政治、財經，唔會當佢係sexual partner（性伴侶）。」
重提當年官司
曾於2007年捲入非禮男的士司機案的顏福偉承認非禮案令他「出櫃」，他說：「依家公開『出櫃』似乎好trendy（新潮），依家好多外國行政總裁都承認自己係同性戀，好似好proud of自己，鼓勵人『出櫃』已經好似係一個時尚，如果當初冇惹到官司，我諗以自己反叛性格都會『出櫃』。」
開心朋友被誤會
由於他曾邀藝人陳鍵鋒及鄧浩光拍廣告，之後與兩人傳緋聞，顏福偉說：「佢哋唔係我杯茶，我同鄧浩光8歲已經認識，一齊游水，相識超過4、50年。」對於好友常被誤會，顏福偉笑說：「佢被人誤會就好了，證明佢有魅力，我諗起佢畀人誤會都覺得開心。」
男友變雙性戀
顏福偉坦言與現任男友亦是官司後才認識，並踢爆自己改變了對方性取向，顏福偉說：「我從來唔蒲基吧，係撞到認識，佢係為咗我而轉變（性取向），佢都冇諗過自己會改變，其實我以前啲伴侶好多本來都係直嘅，同佢一齊時，佢有佢睇女仔，我有我睇男仔。（所以佢依家係雙性戀？）我猜應該係啦，我哋去歐洲天體海灘，佢會知道我要睇啲咩，我又會知道佢留意啲乜。（點解仲可以一齊9年？）中間我哋分開過一段日子，我知道佢當時同番個女仔一齊，我信佛，明白咩叫緣來緣去，依家我哋喺番一起，感覺好適合對方。」
潔癖拒婚
被問到會否同男友結婚及收養小朋友，他坦言不會考慮：「我連狗仔都唔識養，更何況人，同埋我有潔癖，唔會同居同結婚，不過我支持爭取香港同志平權，婚姻合法化。」
|
鍾意就快D Share啦！
|
|
|
