熱爆娛樂: 【同張振朗女上男下】李佳芯造型集集唔同網民like爆戰鬥格 _

2017年7月22日星期六

【同張振朗女上男下】李佳芯造型集集唔同網民like爆戰鬥格 __,李佳芯,張振朗,

現年34歲嘅李佳芯當年喺初出道，喺有線做體育主持時，已經因為樣貌出眾被人留意，12年過檔大台後，除咗劇集越拍越多之外，人氣升得仲勁，五官精緻嘅佢一笑一眸都迷倒萬千網民，仲被捧做「女神」。最近女神又有新劇出街，佢喺《踩過界》入面，飾演法官大人嘅戲份都非常重，仲同王浩信及張振朗都有感情線，更加有激情床戲。劇中佢扮演嘅法官大人，本身就係一名「大蒲友」，幾乎集集出場嘅佢都有唔同嘅「戰鬥裝」，貼身裙換完一件又一件，真係成套劇齋睇佢做Fashion show都夠網民開心一日。

	扮學生妹已經夠晒煞食。（互聯網圖片）	回眸一笑電死一班網民。（互聯網圖片）
一收工就變身落酒吧。（互聯網圖片）	戰鬥裝層出不窮。（互聯網圖片）	（互聯網圖片）
（互聯網圖片）	連文戲都著得好誘惑。（互聯網圖片）	真係要問一句：「法官大人！」（互聯網圖片）