熱爆娛樂: 【獨家】帶仔女踩大劉甘比場呂麗君現身皇室堡戲院 _

2017年7月22日星期六

【獨家】帶仔女踩大劉甘比場呂麗君現身皇室堡戲院 __,呂麗君,甘比,劉鑾雄,大劉,

袋住廿幾億同大劉劉鑾雄分手嘅呂麗君，早排就忙緊打理佢有份成立嘅慈善基金「呂‧沃爾頓地球創新研究基金」，推動全球愛護自然環境。不過，視一對仔女秀盈同子鋒如珠如寶嘅呂麗君，趁住兩姊弟放暑假，日前(8日)，有讀者邱小姐就見到佢帶住一對仔女、同行仲有一個細路女，同埋保鑣，工人一行6人，到銅鑼灣睇《壞蛋獎門人3》英文版。邱小姐表示：「嗰日戲院都幾多人，佢哋都坐得幾前。未開場前，呂麗君就成日擰歪面望吓啲小朋友有冇坐定定，又同佢哋傾咗幾句，佢地三仔乸當日都係着casual wear，冇乜人留意到佢哋。」值得一提嘅，原來當日呂麗君帶仔女去嘅戲院，就係大劉旗下嘅銅鑼灣皇室堡戲院，以往大劉同甘比睇戲，都係首選揀呢度，不過平時大劉同甘比睇戲，會預先吩咐戲院職員，預留該院廳嘅最後兩排座位，而商場保安為免大劉俾途人碰撞，亦好醒目咁預先用欄杆圍咗一條通道，再鎖起一部電梯俾大劉專用。(新聞連結：http://bit.ly/2u4Ujar )同大劉分手後，呂麗君三仔乸依舊生活富泰，出入有司機、保鑣，之前佢又帶咗對仔女去嘉年華玩(新聞連結：http://bit.ly/2tlKKVM )，似乎都幾享受單親媽媽嘅生活，如今更帶仔女踩場去大劉同甘比嘅拍拖據地，睇嚟呂麗君已經放下咗啲喎！

(讀者邱小姐提供圖片)	開場前，呂麗君不時叮囑身邊小朋友，叫佢哋細聲說話，以免騷擾其他人。(讀者邱小姐提供圖片)	除咗帶兩個仔女去皇室堡，同行仲有保鑣。(讀者邱小姐提供圖片)
以往大劉同甘比睇戲，都鍾意揀皇室堡，仲要包最後兩行。(資料圖片)	入場同散場，商場職員都會預先攔住一條通道，再鎖起一部電梯俾大劉專用。(資料圖片)	以往皇室堡有活動，大劉同甘比都會帶一對仔女出席。
(資料圖片)	早前有讀者影到呂麗君同仔女去嘉年華玩。(資料圖片)	(資料圖片)