掃呢頁CODE去手機

2017年7月22日 星期六

鄧達智結婚何價?棄祖傳千萬產業 __,鄧達智,

已訂婚的鄧達智表示結婚前會處理好家產,會將一切交給姪仔。
鄧達智結婚何價?棄祖傳千萬產業時裝設計師鄧達智今年6月與外科醫生男友陳梓欣突然「訂婚」,由於很多朋友埋怨未能出席觀禮,故他決定9月9日正式補擺訂婚宴, ...


鄧達智結婚何價?棄祖傳千萬產業

時裝設計師鄧達智今年6月與外科醫生男友陳梓欣突然「訂婚」,由於很多朋友埋怨未能出席觀禮,故他決定9月9日正式補擺訂婚宴,下一步更準備結婚。鄧達智認為婚前首要處理家產,為愛郎自願放棄阿爺傳下來的千萬家業。

鄧達智(William)本身是新界屏山鄧氏第二十六代,又是家中長子,在家族輩份頗高,自宣布出櫃兼與男友陳梓欣(Clement)訂婚,家族中人已大感震驚,故他明言9月9日的訂婚宴不會邀請家人出席,William受訪時說:「唔好畀震驚咁多次,一次就夠,9月係我哋約會一周年紀念,9號因為係星期六,我哋係好實際嘅人,方便朋友出席,預計請100人,我哋成日開派對,唔信世俗,所以唔會有繁文縟節,最多上台講吓嘢,都係着普通衫。」

嘆好友變臉疏遠

自豁出去訂婚,勇字當頭的William下一步計劃結婚,但婚前他認為必須處理清楚產業,他說:「手頭上屋企傳落嚟嘅嘢,阿爺畀阿爸,阿爸畀我嘅嘢,我冇仔,所以我會交畀姪仔,因為開始段關係,會影響到屋企。(唔可以帶住產業去結婚?)屋企傳統係一代傳一代,我會將屋企嘢過名畀姪仔。(包括房地產和田地?)係。(冇咗好多財產?)我好錫姪仔,咁做係免卻麻煩及日後爭拗,自從試過大病(乙結腸癌)後,我唔知自己幾時會拜拜(死),任何嘢都會發生,若果唔處理好,我唔想自己疼錫嘅人同我family之間有爭拗。」是否意味婚後會遷出屏山祖屋?他表示可能會。

鄧達智與男友Clement將於9月9日補擺訂婚宴,但不會邀請家人出席。
  • 鄧達智與男友Clement將於9月9日補擺訂婚宴,但不會邀請家人出席。
鄧達智與男友甜蜜蜜。
  • 鄧達智與男友甜蜜蜜。

據知William放棄阿爺傳下來的房地產和田地,保守估計也值千萬,不過他自己擁有私人物業,又經營私房菜及時裝設計工作,故沒有財政問題。他承認現在與Clement財政獨立,足夠生活,更考慮死後將財產捐給慈善機構。訂婚後,他們收到好多祝福,有得但又有失,他感慨一位相識十多年好友不認他:「彼得三次不認主,佢一日不認我三次,可能佢怕畀人知道佢都係同志身份。」

惹狂蜂表錯情

兩人的訂婚生活並無大改變,只是以往愛搞派對的William,現在更享受二人世界,逢周五、六及日,喜歡在家玩煮飯仔,他讚男友好人,但嫌太好。William更分享自己的經驗,他曾因為一句安慰說話,令失婚女友人誤以為自己對她有情,更妄想為他懷孕兼小產,事件一直纏擾他至今,故William奉勸男友做好人也要小心!

文:名人組


鍾意就快D Share啦!