現年33歲李彩華（Rain）入行多年走型格路線，早前卻秘密練兵操胸收身，密謀推出處女寫真殺入書展搶Fo。入行17年的她失驚無神豁然開朗來個「大解放」，挾着34C、25、35的身段和42吋長腿，在寫真中以十多個不同造型示人，施展渾身解數滿足各方喜好。當中「中門大開」將衫前鈕扣解開最為「煞食」，令34C洶湧上圍「奪衫而出」，成功凸顯澎湃效果，再配上一個「高潮眼」，足以顛倒眾生。
水中拍攝搵命博
有前有後的Rain再展示其白滑玉背，在雪紡吊帶衫襯托下，令人無限聯想。要搶灘當然要使出「必殺技」，擁有42吋長腿的Rain一招「黑絲誘惑」大騷42吋長腿，一蹲一企搔首弄姿盡顯美態。擅玩腿法的她再加送坐在小艇上伸展雙腿賣萌，大玩萌風。Rain表示為拍寫真休息了一段時間狂做運動，至於如何操胸保持美態？她不諱言要定時為胸部按摩，又稱拍攝過程相當辛苦，要到荒山野嶺，現場蚊叮蟲咬令她全身又紅又痕又腫，苦不堪言。寫真當然不少得濕身，Rain浸在浴缸中玩「水底透視」，見她合眼屏息在水中拍攝，製作花絮中見她在上水一刻拚命呼吸，真係搵命博。
男友要過目
Rain指寫真主題以純美和健康為主，問到是否婚前最後一擊留念？她笑言：「唔係，只係早前一次機緣巧合下識到一位女攝影師，大家對美嘅觀感同意念一致，經多番商討下決定豁出去接受挑戰，拍攝唯美寫真留倩影。」至於男友何遠恒可有支持？她笑言：「佢冇反對，不過佢開出唯一條件係相片事前要畀佢過目，因為佢唔想啲朋友買晒嚟睇，而自己女友影咗啲乜都唔知。（事前有冇問聲阿媽？）佢只係『哦』一聲後，乜都冇講，佢對我嘅工作一向好信任。」
唔走野性路線
對於今年書展的寫真女，Rain坦言入行多年，與人比較已沒意義：「我唔係野性路線，大家做法唔同，唔需要逐個人去比較。」她稱今次寫真的出發點只想做一些自己認為值得去做的事。另外，內地人氣高企的Rain亦獲不少廣告商支持預購，她說：「十幾個廣告商都有認購，依家有約兩萬多本認購咗。」
|
鍾意就快D Share啦！
|
|
|
