李旻芳呢次就教大家點樣可以Keep fit迎接夏天！
今個夏天想盡情騷BODY？但又為身上嘅脂肪同贅肉而煩惱？大家唔使愁，皆因弗到爆嘅藝人李旻芳（Lucy），分享減肥心得，仲孖靚仔教練Calvin教大家點樣踢走肥膏，Lucy就會示範專門針對最難減嘅大腿及肚腩位置嘅健身動作，佢話：「只要每日抽少少時間做呢幾個動作，每個動作做15至20下，然後再重複做4次，加上控制飲食雙管齊下，自然成功消脂，仲會練到靚嘅肌肉線條。」
講到女士們最驚瘦胸不瘦身，Lucy亦大嗌怕怕：「我都驚減到過瘦，會減咗啲唔應該減嘅地方，所以寧願自己有啲肉地，睇落比較健康同吸引。好彩自己有骨嘅地方都有骨，有肉嘅地方都有肉，身形都算應有則有，哈哈。」佢仲公開美胸秘訣，只要勤於按摩胸部，自然KEEP到澎湃上圍。
夏日陸續有不少泳裝品牌舉行泳衣騷，Lucy表示不介意擔任模特兒行騷。但問到唔怕男友黃耀英「嬲嬲豬」？她謂：「因為佢喺外國返嚟，份人比較開通，佢會明白只係工作需要，好似我有時拍劇會有親熱戲，佢都唔會介意，仲好放心畀我拍，好少嚟探班監場。」
來源 source: http://hk.on.cc
|
鍾意就快D Share啦！
|
|
|
